+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

بولات باقاۋوۆ وزگە ءوڭىر تۇرعىندارىن پاۆلودار وبلىسىنا كوشىپ كەلۋگە شاقىردى

9 قازان 07:22
:ءبولىسۋ
بولات باقاۋوۆ وزگە ءوڭىر تۇرعىندارىن پاۆلودار وبلىسىنا كوشىپ كەلۋگە شاقىردى

پاۆلودار. قازاقپارات - پاۆلودار وبلىسىنىڭ اكىمى بولات باقاۋوۆ Instagram-داعى رەسمي پاراقشاسى ارقىلى حالقى تىعىز ورنالاسقان وڭىرلەردىڭ تۇرعىندارىن وبلىسقا كوشىپ كەلۋگە شاقىردى، دەپ حابارلايدى pavlodarnews.kz.

Instagram-عا جازبا قالدىرعان بولات باقاۋوۆ، بيىل پاۆلودار وبلىسىندا «Nurly Ertis» باعدارلاماسى ىسكە قوسىلعانىن اتاپ ءوتتى. باعدارلاما اياسىندا 1241 ادام نۇر-سۇلتان قالاسىنان كوشىپ كەلگەن. سونداي-اق ەل استاناسى مەن وڭتۇستىك وڭىرلەردەن 220 وتباسى پاۆلودار وبلىسىنا قونىس اۋدارىپتى.

- ولاردىڭ جارتىسىنان كوبى - كوپبالالى وتباسىلار. ءقازىر ءاربىر وتباسىنىڭ جەكە باسپاناسى بار. كوشىپ كەلگەن ەڭبەككە جارامدى ادامداردىڭ ءبارى تۇراقتى جۇمىسپەن قامتىلدى. ولاردىڭ بالالارىنا بالاباقشا مەن مەكتەپتەردەن ورىن بەرىلدى. بۇل رەتتە، پاۆلودار وبلىسىنداعى ءبىلىم بەرۋ دەڭگەيىنىڭ جوعارى ەكەنىن كوپشىلىك جاقسى بىلەدى، - دەپ اتاپ وتكەن پاۆلودار وبلىسىنىڭ اكىمى.

بولات باقاۋوۆتىڭ جازۋىنشا، بۇگىندە پاۆلودار وبلىسىندا 25 مىڭ بوس جۇمىس ورنى بار.

- قازاقستاندا جۇمىس كۇشى كوپ وڭىرلەر بار. ول جاقتا جۇمىس تابۋ قيىن. ال ءبىزدىڭ وبلىستا 25000 جۇمىس ورنى بوس تۇر. ونىڭ 10 مىڭى - تۇراقتى جۇمىس. ايماقتا ءىرى وندىرىستىك كاسىپورىندار جۇمىس ىستەيدى. شاعىن جانە ورتا بيزنەس قانات جايۋدا. اگروونەركاسىپ كەشەنى دە قارقىندى دامۋ ۇستىندە. وسى ورايدا، «Nurly Ertis» باعدارلاماسى اياسىندا ءاربىر تۇرعىندى باسپانامەن، مەديتسينالىق كومەكپەن، تۇراقتى جۇمىسپەن، ولاردىڭ بالالارىن ءبىلىم بەرۋ ۇيىمدارىمەن قامتاماسىز ەتەتىنىمىزدى ەسكە سالعىم كەلەدى، - دەدى بولات باقاۋوۆ.

ايماق باسشىسى Instagram-داعى دوستارىن اتالعان اقپاراتتى ءبولىسىپ، تاراتۋعا شاقىردى. - پاۆلودار وبلىسىنا كوشىپ كەلگىسى كەلەتىن تانىستارىڭىزدى، تۋىستارىڭىزدى بەلگىلەي وتىرىڭىزدار، - دەپ تۇيىندەيدى بولات جۇمابەك ۇلى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات