14:18, 18 - تامىز 2019 | GMT +6
قازاق قىزى اۋەدە ۇشاق قاناتىندا سەرۋەندەدى
نۇر- سۇلتان. قازاقپارات - الماتىلىق بەكزات مۇقانوۆا اۋەدە ۇشاق قاناتىندا ساياحات جاساپ، جۇرتتى تامسانتتى، دەپ حابارلايدى قازاقپارات ءتىلشىسى.
«ايتەۋىر جۇزەگە اسىردىم. تاياۋدا دا ورىندالعان ارمانىم بەينەلەنگەن ۆيدەونىڭ العاشقى بولىگى»، - دەپ جازدى الماتىلىق باتىل قىز Instagram-داعى پاراقشاسىندا.
ونىڭ ايتۋىنشا، اۋەدە ۇشاق قاناتىندا سەرۋەندەگەن كەزدە قىسقا عانا تەمىر ارقاننىڭ كومەگىمەن ءىلىنىپ تۇرعان.
«ۆيدەونى رەداكسيالاۋعا كەرەمەت ەمەسپىن. دەگەنمەن، بۇل ۆيدەودا ساقتاندىرۋ قۇرالى رەتىندە تەك قانا تەمىر ارقانمەن ءىلىنىپ ۇشاق قاناتىندا تۇرعان ساتتەگى سەزىم مەن قورقىنىشتى كورسەتۋگە تىرىستىم»، - دەدى ول.
كەشە عانا بەكزاتتىڭ پاراقشاسىندا جاريالانعان ۆيدەو قازىرگى ساتتە 600-دەن استام كورىلىم جيناپ ۇلگەرگەن.
اۆتور: مارلان جيەمباي