الماتىداعى جازۋشىلار ءۇيى كۇردەلى جوندەۋدەن وتەدى

None
None
الماتى. قازاقپارات - بيىل قازاقستان جازۋشىلار وداعىنىڭ قۇرىلعانىنا 85 جىل. وسى ايتۋلى مەرەكەگە وراي الماتىداعى جازۋشىلار ءۇيى كۇردەلى جوندەۋدەن وتەدى. بۇل تۋرالى باقىتجان ساعىنتايەۆ ءوزىنىڭ instagram-عى پاراقشاسىندا جازدى، دەپ حابارلايدى قازاقپارات ءتىلشىسى.

«قالانىڭ جازۋشىلار وداعىنىڭ مۇشەلەرىمەن - پروزاشىلار، اقىندارمەن كەزدەستىم»، - دەپ جازدى قالا باسشىسى.

«مادەنيەت پەن ءتىل، ۇلتتىڭ رۋحاني دامۋ تۇرعىسىنا قاتىستى كەلەلى اڭگىمە بولدى. بيىل جازۋشىلار وداعىنا 85 جىل تولادى. وسىعان وراي قالا اكىمدىگى ۇلتتىق ادەبيەت پەن شىعارماشىلىقتىڭ تاريحي ءارى رۋحاني سيمۆولى سانالاتىن جازۋشىلار ۇيىنە جۇرگىزىلەتىن جوندەۋ جۇمىستارىن ءوز موينىنا الدى. جىل سايىن ادەبي- جانرلىق كونكۋرستار وتكىزۋدى باستايمىز. بۇل رەتتە ەڭ ۇزدىك شىعارمالاردى وداق مۇشەلەرى - جازۋشىلار مەن اقىندار وزدەرى تاڭدايدى. قالامىزدىڭ شىعارماشىلىق قوعامداستىعىن ودان ءارى قولداپ، قولداۋ كورسەتەتىن بولامىز»، - دەپ اتاپ وتەدى باقىتجان ساعىنتايەۆ.

اۆتور: الما مۇقانوۆا

سوڭعى جاڭالىقتار