پرەزيدەنت: ءبىلىم ءمينيسترى قارجى مينيسترىنەن كەيىن تۇرۋى كەرەك
«اتا- انالار بالالارىنا ساپالى بەرۋ ءۇشىن بارلىق وتباسىلىق رەسۋرستى ۇنەممەن جۇمسايدى. مەملەكەت ساپالى ءبىلىم بەرۋدىڭ قولجەتىمدىلىگى بويىنشا اتا- انالارعا كومەكتەسۋى كەرەك.
ۇكىمەت ءبىلىم بەرۋ سالاسىنا ءوز قىزمەتىنىڭ باسىم باعىتى رەتىندە قاراۋى كەرەك. دامىعان ەلدەردىڭ بارىندە وسىلاي. بىرنەشە مەملەكەتتە ءبىلىم ءمينيسترى مينيسترلەر رەيتينگىندە قارجى مينيسترىنەن كەيىن الدىڭعى ۇشتىكتە تۇراتىنىن بىلەمىن. ءبىز دە وعان جەتەمىز دەپ ويلايمىن»، - دەگەن مەملەكەت باسشىسى جاساندى ينتەلەكت تۋرالى ءوز پىكىرىن ءبىلدىردى.
«قازىر جالپى ىشكى ءونىمنىڭ ءوسىمىن زياتكەرلىك قىزمەتتەر سەكتورى بەرىپ وتىر. بۇل ايقىن تەندەنتسيا. كەلەشەكتە الەمدى جاساندى ينتەللەكت باسقاراتىن بولادى. ول كەزەڭ قىر استىندا تۇر. ءبىزدىڭ كوز الدىمىزدا بولاتىن قۇبىلىس بۇل»، - دەدى پرەزيدەنت.
ەسكە سالساق، ەلورداداعى تاۋەلسىزدىك سارايىندا مەملەكەت باسشىسى قاسىم- جومارت توقايەۆتىڭ قاتىسۋىمەن تامىز كونفەرەنسياسى ءوتىپ جاتىر.
سونداي- اق، قاسىم- جومارت توقايەۆ تامىز كونفەرەنسياسىندا اعىلشىن ءتىلىن وقىتۋ قاي سىنىپتاردان باستالاتىنىن ايتتى.
كونفەرەنسيا بارىسىندا مەملەكەت باسشىسى بارلىق پەداگوگتاردىڭ ەڭبەك دەمالىسى 56 كۇن بولاتىنىن مالىمدەدى.
اۆتور ەسىمجان ناقتىباي