وقۋشى وقۋلىقتى مەكتەپكە تاستاپ كەتىپ، ۇيىندە ەلەكتروندى نۇسقاسىمەن دايىندالا الادى

None
None
نۇر- سۇلتان. قازاقپارات - ءبىلىم جانە عىلىم مينيسترلىگى مەكتەپ وقۋشىلارىنا وسىنداي قۇقىق بەرىپ وتىر، دەپ حابارلايدى قازاقپارات ءتىلشىسى.

«وقۋلىق ماسەلەسىنە قاتىستى سىندى بۇگىن مەملەكەت باسشىسى دا ايتتى. وقۋلىقتارىمىزداعى قاتەلىكتەردىڭ بولۋى - ءتىپتى داۋلى تاقىرىپقا اينالىپ كەتتى. سوندىقتان، بۇل رەتتە امال- ءادىستى تۇپكىلىكتى وزگەرتۋ كەرەك. جالپى، ءبىز تۇجىرىمدامانى وزگەرتكەلى جاتىرمىز. كەيبىر ارىپتەستەرىمىز ايتقانداي، وقۋلىق - قوسالقى ماتەريال دەگەن پىكىرگە ءوز باسىم ءۇزىلدى- كەسىلدى قارسىمىن! وقۋلىق - كومەكشى قۇرال بوپ قالسا، نەگىزگى قۇرال نە بولماق؟ سول سەبەپتى، وقۋلىق - ءبىزدىڭ وقۋشىلاردى دايىنداۋدا نەگىزگى قۇرال بولىپ قالا بەرەدى. بۇل رەتتە اۋقىمدى ءارى كەشەندى جۇمىستى جۇرگىزەتىنىمىزدى ايتقىم كەلەدى»، - دەدى ءبىلىم جانە عىلىم ءمينيسترى اسحات ايماعامبەتوۆ تامىز كونفەرەنتسياسىندا.

مينيستر ءوز سوزىندە اۆتورلاردىڭ، ساراپشىلاردىڭ ءوزى وقىتىلاتىنىن اتاپ ءوتتى. اسحات ايماعامبەتوۆتىڭ ايتۋىنشا، وقۋلىقتارعا قويىلاتىن تالاپتار ازىرلەنىپ قويعان. جۋىق ارادا مۇعالىمدەر بىرلەستىكتەرىمەن ول تالاپتار تالقىلانباق.

«بيىل مينيسترلىك «جەڭىل پورتفەل» جوباسىن جۇزەگە اسىرادى. ول تۋرالى ايتتىق. ءبىز اتا- انالارعا تاڭداۋ بەردىك. وقۋشى ماسەلەن، تالاپ- تىلەگى بولسا قاعاز وقۋلىقتارىن سىنىپقا، مەكتەپتە تاستاپ كەتىپ، ۇيىندە ەلەكتروندى وقۋلىقپەن دايىندالا الادى. ەڭ باستىسى، مينيسترلىك وقۋلىقتاردىڭ ەلەكتروندى نۇسقالارىن پايدالانۋعا قۇقىق بەرەدى. ارى قاراي اتا- انالارى وزدەرى شەشەدى. سول سەكىلدى جۇمىس داپتەرى بارلىق سىنىپتارعا مىندەتتى بولماۋى ءتيىس. پەداگوگتار اتا- انالاردى جۇمىس داپتەرىن ساتىپ الۋعا مىندەتتەمەۋى كەرەك»، - دەدى اسحات ايماعامبەتوۆ.

اۆتور ايان بەكەن ۇلى

سوڭعى جاڭالىقتار