توقايەۆتىڭ قولىنان مەملەكەتتىك ناگرادالار العان پەداگوگتار كىمدەر؟

«ەندى بۇگىنگى جيىننىڭ ماڭىزدى بولىگىنە كوشەيىك. ءبىزدىڭ ارامىزدا ەلىمىزدىڭ ءبىلىم بەرۋ سالاسىن دامىتۋعا ايرىقشا ۇلەس قوسقان مەكتەپ مۇعالىمدەرى وتىر. ءوز ءىسىن ادال اتقارىپ جۇرگەن ازاماتتاردى مەملەكەتتىك ناگرادالارمەن ماراپاتتاعىم كەلەدى»، - دەپ اتاپ ءوتتى مەملەكەت باسشىسى.

وسىدان كەيىن قاسىم-جومارت توقايەۆ وتاندىق ءبىلىمدى دامىتۋداعى ەڭبەگى جانە قوعامدىق بەلسەندى قىزمەتى ءۇشىن «قۇرمەت» وردەنىمەن پاۆلودار قالاسىنداعى دارىندى بالالارعا ارنالعان 8№ ليتسەي-مەكتەبى فيزيكا ءپانىنىڭ مۇعالىمى اناتولي بەليدانى، الماتى وبلىسى، ىلە اۋدانى، م. ماقاتايەۆ اتىنداعى 13№ جالپى ورتا ءبىلىم بەرۋ مەكتەبى تاريح ءپانىنىڭ مۇعالىمى گۇلنار كازەربايەۆانى، «ەرەن ەڭبەگى ءۇشىن» مەدالىمەن تۇركىستان وبلىسى، كەنتاۋ قالاسى احماد يۋگناكي اتىنداعى جالپى ورتا ءبىلىم بەرۋ مەكتەبى ماتەماتيكا ءپانى مۇعالىمى دانەگۇل قۋاتبەكتى، ورال قالاسىنىڭ ءا. مولداعۇلوۆا اتىنداعى 38№ مەكتەپ-ليتسەيى قازاق ءتىلى مەن ادەبيەتى ءپانىنىڭ مۇعالىمى گۇلزيحان تاسقارينانى، «شاپاعات» مەدالىمەن قاراعاندى قالاسىنىڭ ن. نۇرماقوۆ اتىنداعى دارىندى بالالارعا ارنالعان وبلىستىق مامانداندىرىلعان مەكتەپ-ينتەرناتى ماتەماتيكا ءپانىنىڭ مۇعالىمى ەكاتەرينا نەپرۋكتى ماراپاتتادى.