قاسىم-جومارت توقايەۆ: ءال-فارابيدىڭ ءسوزى ءبىلىم قىزمەتكەرلەرىنىڭ بوي تۇزەر باعدارى بولۋى ءتيىس
«تاربيە - ساپالى ءبىلىمنىڭ نەگىزگى ارقاۋى، دىڭگەگى. ءال-فارابيدىڭ «تاربيەسىز بەرىلگەن ءبىلىم - ادامزاتتىڭ قاس جاۋى» دەگەن ءسوزى بارشا ءبىلىم سالاسى قىزمەتكەرلەرىنىڭ بوي تۇزەر باعدارى بولۋى ءتيىس. ەلىمىزدىڭ جاستارى ءوزىن جەكە تۇلعا رەتىندە دامىتۋمەن قاتار، مەملەكەتتىڭ وزىق يننوۆاتسيالارىنا ساي وركەندەۋىنە زور ۇلەس قوسۋى قاجەت. بۇل قازىرگى ءبىلىم جانە تاربيە بەرۋ ۇدەرىسىنىڭ الدىندا تۇرعان ماڭىزدى مىندەت. وتاندىق ءبىلىم سالاسى تۋعان جەرىڭە، قورشاعان ورتاڭا، ءوز تاريحىنا قۇرمەتپەن قاراۋعا تاربيەلەپ، ۇلتتىق قۇندىلىقتاردى دارىپتەۋى ءتيىس. كەڭ اۋقىمدى ءوتىپ جاتقان «بىرگە تازا قازاقستان» ەكولوگيالىق اكتسياسىنىڭ ءدال وسىنداي باعىتتارى وتە قاجەتتى دۇرىس باستاما دەپ سانايمىن. مۇنداي شارالارعا ءارقاشان قولداۋ كورسەتە بەرەمىز»، - دەدى مەملەكەت باسشىسى تامىز كونفەرەنتسياسىندا.
مەملەكەت باسشىسى ءوز سوزىندە قازاقستاندىقتار بالالارىنا ەكولوگيالىق سانا-سەزىمدى، تۇرمىستىق تازالىقتى، گيگيەنانى ساقتاۋدى ءسىڭىرۋدى، قورشاعان ورتانى قورعاۋدىڭ ماڭىزدىلىعىن ۇقتىرۋ كەرەكتىگىن اتاپ ءوتتى.
ەسكە سالا كەتسەك، ەلورداداعى تاۋەلسىزدىك سارايىندا مەملەكەت باسشىسى قاسىم-جومارت توقايەۆتىڭ قاتىسۋىمەن تامىز كونفەرەنتسياسى ءوتىپ جاتىر.