12:30, 16 - تامىز 2019 | GMT +6
توقايەۆ اكىمدىكتەردىڭ ۇستازداردى ءتۇرلى شارالارعا جۇمىلدىرۋىنا قاتىستى پىكىر ءبىلدىردى
نۇر-سۇلتان. قازاقپارات - قاسىم-جومارت توقايەۆ اكىمدىكتەردىڭ ۇستازداردى ءتۇرلى شارالارعا تارتۋىنا قاتىستى پىكىر ءبىلدىردى، دەپ حابارلايدى قازاقپارات اقوردانىڭ Twitter- دەگى پاراقشاسىنا سىلتەمە جاساپ.
«جەرگىلىكتى اكىمدىك ۇستازداردى اكىمشىلىك ماقساتتارعا، ءبىلىم بەرۋ سالاسىنا ەش قاتىسى جوق ءتۇرلى شارالارعا جۇمىلدىرا وتىرىپ ءوز وكىلەتتىكتەرىن اسىرا پايدالانادى»، - دەدى مەملەكەت باسشىسى.
ق ر پرەزيدەنتىنىڭ پىكىرىنشە، ءبىلىم بەرۋ جۇيەسىنىڭ ساپاسىنا تەرىس ىقپال ەتەتىن تاعى ءبىر كەدەرگى - ۇسىنىلاتىن رەفورمالاردا پەداگوگتاردىڭ ناقتى قاجەتتىلىكتەرىنىڭ ەسكەرىلمەۋى.
ەسكە سالا كەتسەك، بۇگىن قاسىم-جومارت توقايەۆتىڭ قاتىسۋىمەن تامىز كونفەرەنتسياسى ءوتىپ جاتىر. شاراعا ەلىمىزدىڭ تۇكپىر-تۇكپىرىنەن 2 مىڭنان استام مۇعالىم كەلگەن.