11:46, 16 - تامىز 2019 | GMT +6
ا ق ش- تا تانىمال سپورتشى ۇشاق اپاتىنان ءتىرى قالدى
نۇر-سۇلتان. قازاقپارات – ا ق ش- تىڭ ەليزابەتتاۋن قالاسىندا NASCAR اۆتوجارىسىنىڭ چەمپيونى كىشى دەيل ەرنحاردت وتباسى مىنگەن جەڭىل موتورلى ۇشاق اپاتقا ۇشىرادى، دەپ حابارلايدى قازاقپارات nascar.nbcsports.com-عا سىلتەمە جاساپ.
اپاتتان زارداپ شەككەندەردىڭ بارلىعى اۋرۋحاناعا جەتكىزىلگەن. NBC تەلەارناسىنىڭ حابارلاۋىنشا، ۇشاق اۋەگە كوتەرىلمەي جاتىپ ۇشۋ جولاعىنان شىعىپ، جانىپ كەتكەن.
كىشى دەيل ەرنحاردت ەكى دۇركىن NASCAR چەمپيونى. ول كارەراسىن 2017-جىلى اياقتاعان. اكەسى ۇلكەن دەيل ەرنحاردت جەتى دۇركىن NASCAR چەمپيونى. كەزەكتى رەت جارىس جولىنا شىققاندا، 2001-جىلى قازا تاپقان.