قازاقستاندىق اسكەري قىزمەتشىلەر الەمدەگى ەڭ مىقتىلاردىڭ ءبىرى - باس قولباسشى

None
None
الماتى. قازاقپارات – ق ر قارۋلى كۇشتەرى قۇرلىق اسكەرلەرىنىڭ باس قولباسشىسى، گەنەرال-مايور مارات قۇسايىنوۆ قازاقستان اۋماعىندا وتكەن 2019-جىلعى 5- حالىقارالىق ارميا ويىندارىن قورىتىندىلادى، دەپ حابارلايدى قازاقپارات ءتىلشىسى.

«ءبىز قازاقستان رەسپۋبليكاسىنىڭ اۋماعىندا وتكەن ءتورتىنشى اسكەري ويىنداردى اياقتادىق. ءبىر اپتا ىشىندە قاتىسقان بولىمشەلەر وزدەرىنىڭ قابىلەتتەرىن، شەبەرلىكتەرىن، جەڭىسكە دەگەن ۇمتىلىستارىن كورسەتتى. جالپى، ەل اۋماعىندا 4 جىل قاتارىنان وتكىزىلىپ كەلە جاتقان بۇل جارىستار، ەڭ الدىمەن، قازاقستان جانە باسقا مەملەكەتتەردىڭ اسكەري قىزمەتشىلەرىنىڭ جاۋىنگەرلىك قابىلەتتەرى مەن داعدىلارىن ارتتىرۋعا كومەكتەسەدى. بۇل ارميا ويىندارى جەكە قۇرامدى دامىتۋعا، اسكەري ادىستەردى جەتىلدىرۋگە، جاۋىنگەرلىك وپەراتسيالاردى جۇرگىزۋگە، ءىس- قيمىل تاكتيكاسى، قارۋلانۋ كەزىندەگى ءىس-ارەكەتتەر، سونداي-اق لوگيكالىق ويلاۋ، توتەنشە جاعدايلار كەزىندە جەدەل شەشىم قابىلداۋ تۇرعىسىنان اسكەري شەبەرلىك پروتسەستەرىن دامىتۋعا ىقپال ەتەدى. قازاقستان 32 سايىستىڭ 16-نا قاتىسادى. بۇگىنگى تاڭدا ولاردىڭ 13 ءى اياقتالدى. بىزدە 3 ءبىرىنشى، 2 ەكىنشى، 7 ءۇشىنشى ورىن بار. ءبىزدىڭ اسكەري قىزمەتشىلەر تاعى ءۇش سايىسقا قاتىسىپ جاتىر. ولار الداعى ءۇش كۇندە اياقتالادى. 17- تامىزدا كوماندالىق ناتيجەلەر شىعارىلادى. قازاقستان قاتىسىپ جاتقان 39 ەلدىڭ ىشىندە جەڭىمپازدار قاتارىندا بولادى دەپ سەنەمىن. ءبىزدىڭ اسكەري قىزمەتشىلەر الەمدەگى ەڭ ۇزدىكتەردىڭ قاتارىنا جاتادى، ءبىز بۇنى ماقتان تۇتامىز جانە بولاشاقتا قازاقستاندىق اسكەر بۇدان دا جوعارى ناتيجەلەرگە قول جەتكىزەتىنىنە سەنىمدىمىز. ءبىز بارىمىزدى سالامىز»، - دەدى مارات قۇساينوۆ.

بۇگىن جامبىل وبلىسىنداعى «وتار» 40-اسكەري بازاسىندا حالىقارالىق ارميا ويىندارى اياقتالدى. ءۇش سايىستا دا قازاقستاندىقتار ۇزدىك اتاندى.


سوڭعى جاڭالىقتار