كاسپيدە يتبالىق تۇقىمى قۇرىپ بارادى - ۆيتسە- مينيستر

 دەپ حابارلايدى قازاقپارات ءتىلشىسى.

 «كاسپي يتبالىعىن قورعاۋ بويىنشا شارالار قاجەت دەپ سانايمىن. قازىرگى ۋاقىتتا ءتۇرلى دەرەك مالىمەتتەرىنە سايكەس، ونىڭ تۇقىمى 100 مىڭ باستان اسپايدى جانە جىلدان- جىلعا تومەندەۋ تەندەنسياسى بايقالادى. بۇل قاتتى الاڭداۋشىلىق تۋدىرادى»، - دەدى ەرلان نىسانبايەۆ.

سونىمەن قاتار ول ەلىمىزدىڭ بيولوگيالىق الۋانتۇرلىلىگىن ساقتاۋدىڭ ىلكىمدى تەتىكتەرىنىڭ ءبىرى ايرىقشا قورعالاتىن تابيعي اۋماقتاردى قۇرۋ بولىپ سانالاتىندىعىن باسا ايتتى. «تاۋەلسىزدىك العان جىلدان بەرى قازاقستاندا ايرىقشا قورعالاتىن تابيعي اۋماقتاردىڭ كولەمى ايتارلىقتاي ءوستى جانە بۇگىنگى كۇنى 26,2 ميلليون گەكتاردى نەمەسە ەل اۋماعىنىڭ 9,6 پايىزىن قۇرايدى. وتكەن جىلدى قورعالاتىن تابيعي اۋماقتار جەلىسىن دامىتۋ اياسىندا ەكى ايرىقشا قورعالاتىن اۋماق قۇرىلدى. ولار - ش ق و- داعى تارباعاتاي ۇلتتىق پاركى مەن الماتى وبلىسىنداعى ىلە- بالقاش تابيعي رەزەرۆاتى. بيىل بارسەكەلمەس قورىعىنىڭ اۋماعىن 2,3 مىڭ گەكتارعا جانە بۋراباي ۇلتتىق پاركىن 3,2 مىڭ گەكتارعا كەڭەيتۋ جۇمىستارى باستالدى»، - دەدى ول.