قۇلانداردى ەلىمىزدىڭ باسقا وڭىرلەرىنە جەرسىندىرۋ كەرەك - سەناتور

 سەناتوردىڭ ايتۋىنشا، بۇگىندە قازاقستاندا 5 مىڭعا جۋىق قۇلان بار جانە ەرەكشە قورعاۋعا الىنعاندىقتان جىلدام كوبەيىپ، الداعى ۋاقىتتا 10 مىڭ باسقا جەتۋى مۇمكىن. جالپى قۇلانداردىڭ باسىم بولىگى «التىنەمەل» ۇلتتىق تابيعي پاركى اۋماعىندا تىرشىلىك ەتەدى جانە كۇرت كوبەيىپ كەتۋىنە بايلانىستى الداعى ۋاقىتتا جايىلىمدىق جەردەن تارشىلىق كورۋى ىقتيمال. سوندىقتان ولاردى قازاقستاننىڭ باسا دا وڭىرلەرىنە جەرسىندىرۋ كەرەك.

«تورعاي دالاسىنا، تارباعاتاي تاۋىنا جىبەرۋ كەرەك دەپ ەسەپتەيمىز. قازىر باياندامادا قوستاناي وبلىسىنا 9 باس قۇلان جىبەرىلدى دەگەن ءسوز ايتىلدى. 5 مىڭنان استام قۇلانى بار ەلگە جىلقى تەكتەس ۇيىرىمەن جۇرەتىن جانۋاردى 8-9 دان ەمەس 100 دەپ جبەرۋ كەرەك. سوندا عانا ولار وزدەرىن جىرتقىش اڭداردان قورعاي الادى» ، - دەدى مۇحتار قۇل- مۇحامەد.

وسى ماسەلەگە بايلانىستى تۇسىنىكتەمە بەرگەن ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆ سوڭعى 30-40  - جىلعى تاجىريبەنى پايدالانا وتىرىپ، قۇلانداردى ەلىمىزدىڭ باسقا وڭىرلەرىنە جەرسىندىرۋمەن اينالىساتىن ورتالىق اشىلعانىن اتاپ ءوتتى.

«بۇگىنگى كۇنى جامبىل وبلىسىنا 40 باس، قوستاناي وبلىسىنا 9 باس قۇلاندى كوشىردىك دەسەك، سول كوشىرۋدىڭ ءوزى ۇلكەن قيامەت. سەبەبى، ءار مالعا ارنايى كونتەينەر جاساۋ قاجەت، ال ول قاراجاتقا كەلىپ تىرەلەدى. قازىر ورتالىق قۇرىپ، ونىڭ جوسپارىن ءتۇزىپ، جۇمىستى ەڭ الدىمەن وسى قۇلاننان باستاپ وتىرمىز. ويتكەنى، «التىنەمەلدەگى» قۇلاننىڭ جاعدايى قيىنداۋ. سەبەبى ول جەردە 3,5 مىڭ باس بار. ءسال سونداي باس قاراقۇيرىق بار. بۇگىندە ەكەۋىنىڭ اراسىندا جەم- شوپكە تالاستىق بار. سوندىقتان ىلە- بالقاش رەزەرۆاتىن قۇردىق» ، - دەدى ۆيتسە- مينيستر.