جاستاردا كۇش، ەنەرگيا جانە شىعارماشىلىق الەۋەت زور - قاسىم-جومارت توقايەۆ

None
None
قاراعاندى. قازاقپارات - قازاقستان پرەزيدەنتى -  قازاقستان قارۋلى كۇشتەرىنىڭ جوعارعى باس قولباسشىسى V « ايبىن» رەسپۋبليكالىق اسكەري-پاتريوتتىق جاستار جيىنىنىڭ اشىلۋىنا قاتىستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

قاسىم-جومارت توقايەۆ اسكەري-پاتريوتتىق جيىنعا قاتىسۋشىلاردى قۇتتىقتاپ، وتكىزىلىپ وتىرعان ءىس-شارانىڭ ەرەكشە ماڭىزىن اتاپ ءوتتى. سونداي-اق، بۇل جيىننىڭ ەلىمىزدىڭ ەڭ سەنىمدى، جاۋاپتى، وتانشىل ءارى باتىل جاستارىنىڭ باسىن قوسىپ وتىرعانىن ايتتى.

- ءبىز تاۋەلسىز ەلىمىزدىڭ لايىقتى جاستارىنا زور ءۇمىت ارتامىز. داستۇرگە اينالعان «ايبىن» اسكەري- پاتريوتتىق جيىنى وتانىمىزدىڭ قورعاۋشىسى بولۋعا شاقىرىلعان جاستار ءۇشىن بىرەگەي الاڭ بولىپ سانالادى، - دەدى مەملەكەت باسشىسى.

قازاقستان پرەزيدەنتى مەملەكەت تاراپىنان جاستاردى قولداۋعا جانە ولاردىڭ الەۋەتتەرىن جۇزەگە اسىرۋىنا جاعداي جاساۋعا ەرەكشە كوڭىل بولىنەتىنىن اتاپ ءوتىپ، جاستار دامۋدىڭ سيمۆولى جانە جارقىن بولاشاققا دەگەن ءۇمىتتىڭ ورىندالۋى ەكەنىنە نازار اۋداردى. سوندىقتان، ەلباسىنىڭ 2019 -جىلدى «جاستار جىلى» دەپ اتاعانى كەزدەيسوق ەمەس ەكەنىن ايتتى.

- جاستار ەل ومىرىنە بەلسەندى ارالاسىپ، ازاماتتىق قوعامنىڭ دامۋىنا جانە ەلىمىزدى تابىستى جاڭعىرتۋعا سەپتىگىن تيگىزۋدە. ەلىمىزدە قازاقستان جاستارىنىڭ بويىندا وتانشىلدىق رۋحتى قالىپتاستىرىپ، تاربيەلەۋگە ايرىقشا كوڭىل بولىنەدى. وسىعان وراي، «جاس سارباز» رەسپۋبليكالىق بالالار مەن جاسوسپىرىمدەردىڭ اسكەري- پاتريوتتىق قوزعالىسى قۇرىلدى. بارلىق وڭىردە بۇل ۇيىمنىڭ بولىمشەلەرى جاساقتالىپ، جۇمىس ىستەپ جاتىر. «جاس ساربازدىڭ» اسكەري- پاتريوتتىق كلۋبتارى مەن سىنىپتارىنىڭ سانى 6 مىڭعا جەتىپ، 174 مىڭنان استام بالانى قامتىدى، - دەدى ق ر قارۋلى كۇشتەرىنىڭ جوعارعى باس قولباسشىسى.

null 

مەملەكەت باسشىسى جاستاردى ءارقاشان بارلىق ازاماتتارىمىزدى بىرىكتىرەتىن ورتاق قۇندىلىقتارعا - جاسامپاز ەڭبەككە، بەيبىتشىلىك پەن كەلىسىمگە، حالىقتىڭ بىرلىگىنە، وتانعا دەگەن ماقتانىش سەزىمگە جانە ونىڭ ۇلى تاعدىرىنا الاڭداۋشىلىق بىلدىرۋگە شاقىردى.

- مەن باتىل ۇرپاق ءوسىپ كەلە جاتقانىن كورىپ تۇرمىن. سىزدەر زاماناۋي قازاقستاننىڭ بيىك مۇراتتارى نەگىزىندە تاربيە الدىڭىزدار. وزدەرىڭىزدىڭ بىلىمدەرىڭىزبەن جانە قاجىرلى ەڭبەكتەرىڭىزبەن وتانىمىزدىڭ - ماڭگىلىك ەلىمىزدىڭ داڭقىن شىعاراسىزدار. سىزدەردىڭ تاۋەلسىزدىك قۇندىلىقتارىن دارىپتەيتىندەرىڭىزگە، ەل جەتىستىكتەرىنىڭ تابىستى ەستافەتاسىن ابىرويمەن الىپ ءجۇرۋدى جالعاستىراتىندارىڭىزعا سەنەمىن، - دەدى قازاقستان پرەزيدەنتى.

قاسىم-جومارت توقايەۆ جاستارعا ارناعان سوزىندە ءار ادامنىڭ ومىرىنە قاجەتتى قاسيەتتەر تۋرالى ايتتى. مەملەكەت باسشىسىنىڭ پىكىرىنشە، ەڭ الدىمەن، پاراساتتىلىق، ءبىلىم، كاسىبيلىك پەن وتانعا دەگەن ادالدىق قاجەت.

- سىزدەردە كۇش، ەنەرگيا مەن شىعارماشىلىق الەۋەت زور. وسىنىڭ ءبارىن ومىردەگى باستى ماقساتتارىڭىزعا قول جەتكىزۋگە جۇمساڭىزدار. ەلىمىز ءارقايسىڭىزدىڭ تابىستى بولعاندارىڭىزعا مۇددەلى. سەبەبى، سىزدەردىڭ جەتىستىكتەرىڭىزدەن تۇتاس ەلدىڭ جەتىستىگى قالىپتاسادى. سىزدەردىڭ وي- ماقساتتارىڭىزدىڭ جۇزەگە اسۋىنا شىن جۇرەكتەن تىلەكشىمىن، - دەدى مەملەكەت باسشىسى.

ق ر قارۋلى كۇشتەرىنىڭ جوعارعى باس قولباسشىسى ءسوزىنىڭ سوڭىندا «ايبىن» رەسپۋبليكالىق اسكەري- پاتريوتتىق جاستار جيىنىن اشىق دەپ جاريالاپ، قاتىسۋشىلاردىڭ وقۋىنا ساتتىلىك، مىقتى دەنساۋلىق پەن تابىس تىلەدى.

«ايبىن» بايراعىن كوتەرۋ راسىمىنەن جانە جارىس پەن كونسەرتتىك باعدارلامانى ءادىل وتكىزۋگە سالتاناتتى انت بەرگەننەن كەيىن قاسىم- جومارت توقايەۆ 2050 -جىلدىڭ «جاس سارباز» قوزعالىسىنا قاتىسۋشىلارعا ارنالعان «ۋاقىت كاپسۋلاسىن» قالاۋعا قاتىستى.

null 

قازاقستان پرەزيدەنتىنە قارۋ-جاراق تۇرلەرى، قۇرلىق اسكەرلەرى مەن اۋە قورعانىس كۇشتەرى تەحنيكالارىنىڭ مۇمكىندىكتەرى تانىستىرىلدى. سونداي- اق، مەملەكەت باسشىسى دالالىق لاگەرمەن تانىسىپ، قاتىسۋشىلاردىڭ جاتىن ورنىن كوردى، اسكەري- پاتريوتتىق كلۋبتاردىڭ تاربيەلەنۋشىلەرىمەن اڭگىمەلەستى.

 null

null

سوڭعى جاڭالىقتار