قانات بوزىمبايەۆ مينيستر بولعان بۇرىنعى ورىنباسارىنا قاتىستى پىكىر ءبىلدىردى

None
None
نۇر-سۇلتان. قازاقپارات - ق ر ەنەرگەتيكا ءمينيسترى قانات بوزىمبايەۆ جاڭا مينيسترلىككە باسشى رەتىندە تاعايىندالعان ءوزىنىڭ بۇرىنعى ورىنباسارى ماعزۇم مىرزاعاليەۆكە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ماعزۇم مارات ۇلى تاجىريبەلى باسشى. ول التى جىلدان استام ۋاقىت بويى ەنەرگەتيكا ۆيتسە-ءمينيسترى لاۋازىمىندا قىزمەت ەتتى. بىزدە ءتۇرلى سالانى قاداعالادى، ونىڭ ىشىندە جەر قويناۋىن پايدالانۋ باعىتىمەن اينالىستى. سونىمەن قاتار ەلىمىزدەگى گەولوگيالىق پروبلەمالاردى جاقسى بىلەدى. ەكولوگيا ماسەلەلەرىن جاقسى تۇسىنەتىن مامان. مەنىڭ ويىمشا، ماعزۇم مارات ۇلى وتە ساۋاتتى ءارى قازىرگى زامانعى تالاپتارعا ساي مامان. ول جيناقتاعان تاجىريبەسى مەن ءبىلىمى ارقىلى وزىنە جۇكتەلگەن سەنىمدى اقتاي الادى دەپ ويلايمىن»، - دەدى قانات بوزىمبايەۆ.

ەسكە سالا كەتەيىك، جاقىندا ق ر پرەزيدەنتى قاسىم-جومارت توقايەۆتىڭ جارلىعىمەن ماعزۇم مارات ۇلى مىرزاعاليەۆ قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى بولىپ تاعايىندالدى.

سوڭعى جاڭالىقتار