قىزىلوردادا قازاق ادەبيەتىندەگى جازباشا ايتىس تالقىلاندى
اتالمىش شارا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى اياسىندا ۇيىمداستىرىلدى. ونى وتكىزۋگە قورقىت اتا اتىنداعى قىزىلوردا مەملەكەتتىك ۋنيۆەرسيتەتى قازاق ءتىلى مەن ادەبيەتى جانە جۋرناليستيكا كافەدراسى ۇيىتقى بولدى.
اتالمىش كونفەرەنسياعا ادەبيەتشى، تاريحشى، ءتىلشى-عالىمدار جانە ستۋدەنتتەر قاتىستى.
كونفەرەنسيا تاقىرىبىنا سايكەس عالىمدار باياندامالار جاسادى. جوعارى وقۋ جانىنداعى قورقىتتانۋ جانە ولكە تاريحى عىلىمي زەرتتەۋ ينستيتۋتىنىڭ ديرەكتورى، فيلولويا عىلىمدارىنىڭ دوكتورى، پروفەسسور باعدات كارىبوز ۇلى قىزىلوردا وبلىسى باسشىلىعىنىڭ قولداۋىمەن شىعارىلعان «سىرداريا» كىتاپحاناسىنا ەنگەن «سىر سۇلەيلەرىنىڭ جازباشا ايتىستارى» تاقىرىبىندا اڭگىمە ءوربىتتى.
ال فيلولوگيا عىلىمدارىنىڭ كانديداتى. ۇ. جانبەرشيەۆا «سىر بويىنداعى اقىندىق مەكتەپ جانە ادەبي ءداستۇر»، فيلولوگيا عىلىمدارىنىڭ كانديداتى امان اباسيلوۆ «جازباشا ايتىستىڭ ءتىل ەرەكشەلىگى» تاقىرىبىندا تاعىلىمدى وي قوزعادى.
ال قازاق ءتىلى مەن ادەبيەتى جانە جۋرناليستيكا كافەدراسىنىڭ ماگيسترانتى ن. ابدىقوجايەۆانىڭ «تۇرماعامبەت ىزتىلەۋ ۇلىنىڭ جازباشا ايتىستاعى ارالىق سوزدەرى» تاقىرىپتارىنداعى بايانداماسى قىزىلوردالىق عالىمدار تاراپىنان جوعارى باعالاندى.