+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

ءبىرجاننىڭ ءبىر قىزبەن قاعىسۋى

9 ناۋرىز 15:46
:ءبولىسۋ
ءبىرجاننىڭ ءبىر قىزبەن قاعىسۋى

نۇر-سۇلتان. قازاقپارات - ءبىرجان سال جولاۋشىلاپ ءبىر كەدەي ادامنىڭ ۇيىنە كەزدەسەدى.

سول ءۇيدىڭ قىزى وعان قاتىقسىز قارا كوجە قۇيىپ بەرسە، ءبىرجان ەرنىن عانا تيگىزىپ قايتارادى. سوندا قىز ايتادى:

بايلاردىڭ جەيتىن اسى - جايا مەن جال،

شىعادى ناق كەدەيدەن وسىنداي سال.

قىس اياعى شارۋاعا كۇيزەۋ بولدى،

كوجەگە كەكىرەيمەي ەرنىڭدى مال!

ءبىرجان:

اتانعان اقىندىقپەن ءبىرجان سەرى،

سەرىنىڭ كۇندە دۋمان جۇرگەن جەرى،

قارىنداسىم، اعاڭا ءسوزىڭ ءوتتى،

كوجەڭدى باسىپ-باسىپ اكەل بەرى.

ءبىرجاننىڭ نۇرعايشا قىزبەن قاعىسۋى

ءبىرجان قاسىندا جولداستارىمەن ءبىر اۋىلعا جاقىنداعاندا، قاراعايلى دەگەن وزەننىڭ تاسالاۋ جەرىندە ءۇش بويجەتكەن قىز سۋعا شومىلىپ جاتىر ەكەن. بايقاۋسىزدا ۇستىنە كەلىپ قالعان كىسىلەردى كورىپ، شىعا الماي وتىرا بەرىپتى. قاسىنداعى جولداستارى: «ءبىرجان، مىنا قىزدارعا بىردەڭە دەسەيشى» - دەگەندە، ءبىرجان:

باۋىرى كوكشەتاۋدىڭ - قاراعايلى،

قار كەتكەن سوڭ بولادى مالعا جايلى.

ىشىندە ادال دا بار، ارام دا بار،

ەي، قىزدار، شىعاردىڭدار سۋدىڭ لايىن، - دەيدى. قىزداردىڭ ىشىنەن نۇرعايشا دەگەن ءبىر قىز سۋدان باسىن كوتەرىپ الىپ، بىلاي دەپ جاۋاپ قايىرادى:

ۇشادى اققۋ كولدەن سابالانىپ،

ءبىز قالدىق ءسىزدىڭ سوزگە نازالانىپ.

كەلەد دەپ يگى-جاقسى الدىمىزعا،

شومىلىپ جاتىر ەدىك تازالانىپ. ءبىرجان قىزدىڭ بەتالىسىن كورگەن سوڭ، ات ۇستىنەن امانداسىپ ءجۇرىپ كەتكەن ەكەن.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات