الەمدەگى ەڭ جاس ميللياردەردىڭ ەسىمى كىم؟

None
None
نۇر-سۇلتان. قازاقپارات - امەريكاندىق مودەل «كارداشياندار وتباسى» رەاليتي-شوۋىنا قاتىسۋشى كايلي دجەننەر الەمدەگى ەڭ جاس ميللياردەر قىز اتاندى.

كايلي دجەننەر 21 جاسىندا 1 ميلليارد دوللار تاۋىپ، مارك سۋكەربەرگتىڭ رەكوردىن جاڭارتتى، دەپ حابارلايدى Forbes.

نەبارى 21 جاستاعى بويجەتكەننىڭ كىرىسىنىڭ نەگىزگى بولىگى 2016-جىلى نەگىزى قالانعان كوسمەتيكالىق Kylie Cosmetics كومپانياسىنان قۇيىلىپ جاتىر. سونداي-اق تانىمال ءسان ۇيلەرىمەن جاسالعان كەلىسىمشارتتارى دا مول تابىس كوزىنە اينالعان. الەۋمەتتىك جەلىلەردەن ءتۇسىپ جاتقان اقشا دا از ەمەس.

دجەننەردىڭ ءوزى قارجىلىق تابىسىنا 128 ميلليون جازىلۋشىسى بار Instagram-نىڭ ۇلەسى مول ەكەنىن مويىندايدى.

«مەن مۇنى كۇتكەن جوقپىن. بۇل مەن ءۇشىن ۇلكەن تابىس ءارى قۋانىشتى وقيعا»، - دەپ اتاپ ءوتتى كاسىپكەر قىز.

ايتا كەتكەن ءجون، بۇدان بۇرىن ەڭ باي جاس ادام تيتۋلى Facebook نەگىزىن قالاعان مارك تسۋكەربەرگكە تيەسىلى ەدى. ول ءوزىنىڭ العاشقى ميللياردتارىنا 23 جاسىندا قول جەتكىزگەن بولاتىن.


سوڭعى جاڭالىقتار