قۇستار قانشالىقتى اقىلدى؟

عالىمداردىڭ انىقتاۋى بويىنشا قۇستار ءوز ماسەلەلەرىن ينتۋيتيۆتى تۇردە شەشە الادى جانە بالالار سياقتى مىسالدارعا قاراپ ۇيرەنە الادى.

توتىقۇس ەڭ اقىلدى قۇس بولىپ سانالادى. بۇل قۇستارعا زاتتاردى، پىشىندەردى، تۇستەردى، ءتىپتى ادامداردى اجىراتۋدى ۇيرەتۋگە بولادى. ماسەلەن، افريكالىق سۇر توتىقۇس ءوزىنىڭ ەموتسيونالدىق جانە ينتەلەكتتىك دامۋى بويىنشا شامامەن ءۇش-ءتورت جاسار بالاعا سايكەس كەلەدى. ال بۇل توتىقۇستار دامي الاتىن قابىلەتى بولعاندىقتان، وندا ولاردىڭ اناليتيكالىق قابىلەتتەرى دە ارتا تۇسەدى.

قۇستارعا كەيدە تاڭقالارلىق تاپقىرلىق تا ءتان. ەڭبەك قۇرالدارىن قۇستاردا قولدانا الادى ەكەن. مىسالى، كەيبىر جابايى قۇستار ءوتىپ بارا جاتقان ماشينالار ولاردىڭ قابىقتارىن شاعۋى ءۇشىن گرەك جاڭعاقتارىن ادەيى جولعا قويعانى باقىلانعان.

قولدا وسىرىلەتىن اۆستراليالىق توتىقۇستار قاسىنۋ ءۇشىن ءجيى اعاش جاڭقاسىن پايدالانادى. ەگەر يەلەرى توتىلارىنىڭ ارقانداردى، ويىنشىقتاردى جانە سول سياقتى زاتتاردى پايدالانعانىن كورسە، وندا توتىقۇستىڭ ولارعا ەرەكشە قولدانىس تاپقانىن بايقايدى.

بۇرىن «سويلەيتىن قۇستار» تەك ادامنىڭ ءسوزىن قايتالايدى دەپ سانالعان. الايدا كەلەسى عىلىمي زەرتتەۋلەر مۇنىڭ جاڭىلىس ەكەنىن بايقادى.

قۇستىڭ جادى

قاناتتىلاردىڭ جادى ەرەكشە. تابيعي ورتانى مەكەندەيتىن قۇستار مىڭعا جۋىق داندەردى بىرنەشە جۇزدەگەن شارشى شاقىرىمعا جاسىرىپ، كەيىن ولاردىڭ %90-نان ارتىعىن تابا الادى. بيولوگتاردىڭ ۇيعارۋى بويىنشا ولاردىڭ ميىنىڭ ءبىر بولىگى وسى ماقساتقا ارنالعان. تەز ۇيرەتىلەتىن توتىقۇستار ادام ءتىلىن تۇسىنەدى جانە بولەك سوزدەردى ايتا الادى.

قۇستاردىڭ ەموتسياسى

ادامدار سياقتى قۇستاردا ەموتسيالارىن بىلدىرە الادى. عالىمداردىڭ پىكىرى بويىنشا بۇل ءۇشىن قاجەتتىنىڭ بارلىعى بار. قۇستاردا ەموتسياعا جاۋاپ بەرەتىن مي بولىگى - ليمبيكالىق جۇيە بار. قۇستاردان بولەك ول تەك سۇتقورەكتىلەردە عانا بار. كەز كەلگەن قاناتتىلاردىڭ يەسى وپ- وڭاي ونىڭ باقىتتى ەكەندىگىن نەمەسە قورقىپ تۇرعانىن اڭعارا الادى. قازىرگى كەزدە عالىمدار قۇستار ەموتسياسىن سەزىنە مە؟ جانە قۇستاردىڭ ارەكەتىنە قالاي اسەر ەتەتىندىگىن زەرتتەۋدە.

قۇستار مەن ويىندار

قۇستار ويىنداردى جاقسى كورەدى. الايدا بۇل جاقسى كورۋدىڭ سەبەبى تولىق تۇسىنىكتى ەمەس. مىسالى، قۇستار ۆاننا قابىلداعاندا بالالار سياقتى ويناپ كەتەدى. بۇل ينستينكتتىڭ اسەرى نەمەسە باسقا دا سەبەپتەر بولۋى مۇمكىن. ەگەر شومىلۋمەن تىم بولماعاندا ءبارى لوگيكاعا ساي جانە زاڭدى بولىپ كورىنسە، وندا قۇستاردىڭ سۋعا تاستاردى ادەيى لاقتىرىپ، سۋدىڭ شالپىلداعانىنا قاراپ تۇراتىندىعىن ءتۇسىندىرۋ قيىن. قۇستار نەلىكتەن دومالايدى؟ نەلىكتەن ولار قار توبەشىكتەرىندە سىرعانايدى؟ جانە وسى سياقتى نارسەلەردى جاسايدى؟ ەگەر بۇنى ادامدار ىستەسە، بۇل ءبىر اۋىزدان جوعارى ينتەللەكتتىڭ سيپاتى رەتىندە باعالانار ەدى.

قۇستار ينتەلەكتۋالدى ويىنداردى جاقسى كورەدى

قۇسقا قىزىعۋشىلاردىڭ پىكىرى بويىنشا بۇل ارەكەتتەردىڭ كوپشىلىگىن قۇستار كوڭىل كوتەرۋ ءۇشىن جاسايدى. ولارعا ينتەلەكتۋالدىق قابىلەتتەرىن دامىتا الاتىن ويىنشىقتار بەرسە، ءوزىنىڭ قۇس رەتىندەگى قىزىعۋشىلىعىن قاناعاتتاندىرۋ ءۇشىن بىرنەشە ساعات بويى زەرتتەيدى.

زەرتتەۋلەردە دالەلدەگەندەي بۇرىنعى پىكىرگە قاراعاندا قۇستار الدەقايدا اقىلدىراق ەكەندىگىن يەلەرىنىڭ كوبى عالىمدار زەرتتەگەنگە دەيىن بايقاعان.