ادام دەنەسىندەگى وزگەرمەيتىن بەلگىلەردى بىلەسىز بە؟

بارماق تابى

فاكتىلەرگە نەگىزدەلگەندە، قازىر دۇنيەدە بارماق تابى جوق 20 ادام عانا بار ەكەندىگى انىقتالعان، بۇدان باسقا دۇنيەدەگى ءارقانداي ادامنىڭ وزىنە عانا ءتان بارماق تابى بار، ول ادامنىڭ ءومىرىنىڭ اقىرىنا دەيىن ساقتالادى.

ەرىن تابى

ەرىن تابى دا بارماق تابى سياقتى دارالىققا يە. سىرتتاي كوزگە ەرىن تابى قاراپايىم كورىنگەنىمەن، شىندىعىندا ءار ادامنىڭ ەرىن تابىنىڭ سىزىقتارىنىڭ ۇزىن- قىسقالىعى، جۋان- جىڭىشكەلىگى اركەلكى بولادى، ءاربىر ادامنىڭ ەرىن تابى ءار- ءتۇرلى.

ءتىس تابى

ءتىس - ادام دەنەسىندەگى ساقتالۋ ۋاقىتى ەڭ ۇزاق بولۋمەن بىرگە، ءتىس ۇستىندەگى قالعان بەلگىلەر دە وتە ۇزاق ۋاقىت ساقتالادى. ءار ادامنىڭ ءتىسىنىڭ ءتىزىلۋى جانە زاتتاردى تىستەگەن كەزدە قالدىرعان ءىزى ۇقسامايدى.

كوز

1984 -جىلى ا ق ش- تىڭ «كوز ايىرماشىلىعى كومپانياسى» كوز الماسىنا كەسكىن ءتۇسىرىپ ايىرماشىلىقتى انىقتاۋ جۇيەسىن تاپقىرلاعان، بۇل ءتاسىل بويىنشا ادام كوزىندە ساقتالىپ قالعان كەسكىن ءىزى ارقىلى تەكسەرۋ جۇرگىزۋ بارماق تابى بويىنشا انىقتاۋعا قاراعاندا دالدىگى كۇشتى ءارى سەنىمدى، تەز ءادىس بولعان.

شاش

شاشتاعى ميكرو ەلەمەنتتەردىڭ مولشەرىنە، قۇرىلىس ەرەكشەلىگىنە تالداۋ جاساۋ ارقىلى ءبىر ادامنىڭ جاسىن، جىنىسىن، دەنساۋلىق جاعدايىن، قورەكتەنۋ ەرەكشەلىگىن جانە قايسى قۇرلىقتىڭ ازاماتى ەكەنىن انىقتاپ الۋعا بولادى ەكەن.

قان

ادامزاتتىڭ قانى جەكە توپتارعا بولىنۋمەن بىرگە، ول ءومىر بويى وزگەرمەيتىندىكتەن ابسوليۋتتى تۇراقتىلىققا يە. سوندىقتان، قان توبىنا قاراي ادامداردى ايىرۋ، قاجەت بولعاندا اتا- انالىق بايلانىستى انىقتاۋعا بولادى.