09:22, 28 - تامىز 2018 | GMT +6
ەكىباستۇزدا جاڭا مۋزىكالىق، جارىق ساۋلەلى سۋ بۇرقاق ىسكە قوسىلدى
ەكىباستۇز. قازاقپارات - ەكىباستۇز قالاسىنداعى «ونەر» مادەنيەت ورتالىعىنىڭ الدىندا جاڭا سۋ بۇرقاق پايدا بولدى، دەپ حابارلايدى pavlodarnews.kz.
شاحتەر كۇنىنە وراي اشىلعان فونتاندى پاۆلودار وبلىسىنىڭ اكىمى بولات باقاۋوۆ بارىپ كوردى.
«NamysStroi-Group» ج ش س- مەن 137,6 ميلليون تەڭگەگە كەلىسىمشارت جاسالدى. سىرتقى بەتون قورشاۋلارىنىڭ بولماۋى سۋ بۇرقاق اۋماعىنا ەرەكشە ءسان بەرەدى. بىرەگەي ديزاين مەن شاشىراپ تۇراتىن سۋدىڭ ءتۇرلى ءتۇستى جارىقتارمەن سۇيەمەلدەنۋى كوزدىڭ جاۋىن الادى. بارلىق ينجەنەرلىك كوممۋنيكاتسيالار جەر استىندا ورنالاسقان. بۇل ورىننىڭ ەكىباستۇزدىقتاردىڭ تاعى ءبىر تاماشا دەمالىس ايماعىنا اينالارى ءسوزسىز»، - دەيدى قالالىق قۇرىلىس ءبولىمىنىڭ باسشىسى اباي كارىموۆ.