قىتايدا العاش رەت «اقىلدى تەرەزە» جاسالدى

قايداعى جوق قاڭىلتىرعا دەيىن اقىلدى اتانعاندا، ونىڭ قاسىندا ادامنىڭ قايتا ميى بار عوي. قىتايدىڭ سولتۇستىك- شىعىسىنداعى شەنيان ۋنيۆەرسيتەتىنىڭ وقىتۋشىسى يان-يان سۋن مەن نانجيڭ ۋنيۆەرسيتەتىنىڭ وقىتۋشىسى سين-حۋا سيا الەمگە وزدەرىنىڭ جاڭا ونەرتابىسىن ۇسىندى. قوس قىتايلىق قوسىلىپ «اقىلدى تەرەزە» جاساپ شىعاردى.

اقىلدى دەگەن ستاتۋسقا يە بولعان تەڭدەسسىز تەرەزە بولمەگە قاجەتتى جارىقتى ەسەپتەپ، كۇننىڭ ساۋلەسى تىم جارىق بولسا جارتىسىن جىبەرەدى، از بولسا تولىقتىرىپ وتىرادى. ءۇيدى قاجەتتى تەمپەراتۋرادا جىلىتىپ، كەرەك دەسەڭىز زياندى ۆيرۋستاردان تازارتادى.

اتاۋلى اقىلدى تەرەزە ساپالى ماتەريالدار جاسالعاندىقتان سىرتقى سۇلباسى دا تىم كورىكتى. قىسقارتىپ ايتساق، اقىلىنا كوركى ساي. ونەرتاپقىشتاردىڭ ايتۋىنشا، بۇل تەرەزەنى زالالسىزداندىرۋ جۇمىستارى ءجيى جۇرگىزىلەتىن اۋرۋحانالارعا، حالىق كوپ جۇرەتىن قوعامدىق كولىكتەرگە ورناتۋ كەرەك. ونىڭ اينەكتەرى نەبارى 1 مينۋتتىڭ ىشىندە ءتۇسسىز كۇيدەن قارا تۇسكە بويالىپ كەتە الادى. سونىمەن قاتار، بولمەنى 5 مينۋتتىڭ ىشىندە 24 گرادۋسقا دەيىن جىلىتا الادى.

Massaget.kz