بودەنە جۇمىرتقاسىنىڭ پايداسى نەدە؟

بودەنەنىڭ بەس جۇمىرتقاسى تاۋىقتىڭ ءبىرجۇمىرتقاسىنىڭ سالماعىمەن تەڭ بولسا، ونىڭ قۇرامىنداعى كاليي مەن فوسفور تاۋىق جۇمىرتقاسىنداعىدان بەس ەسە كوپ، ال تەمىر 4، 5 ەسە، B جانە B12 ۆيتاميندەرى 6 ەسە كوپ.

سونداي-اق ولاردىڭ قۇرامىنداعى كالتسي، مىس، كوبالت جانە ءتۇرلى امين قىشقىلدارى تاۋىق جۇمىرتقاسىنداعىدان گورى الدە قايدا جوعارى. قۇرامى وسىنداي ازىق پەن جۇيەلى قورەكتەنگەن ادامنىڭ ءار ءتۇرلى اۋرۋ- سىرقاۋعا قارسى تۇرار دارمەنى ارتىپ، جۇرەك- قانتامىرلار جۇيەسىمەن اسقورىتۋ مۇشەلەرىنىڭ جۇمىسى جاقسارادى. سونداي- اق بودەنە ەتى مەن جۇمىرتقالارى ادام اعزاسىنان رادياتسيانى دا شىعارادى ەكەن. ال جۇمىرتقا قۇرامىنداعى لەيتسيتين قانداعى حولەستەريندى تومەندەتەتىن كورىنەدى. ەگەر تاۋلىگىنە بودەنەنىڭ 4-5 جۇمىرتقاسىن تۇراقتى تۇتىنسا، ەر ادامنىڭ جىنىستىق قۋاتى ارتادى.

بودەنەنىڭ قالىپتى دەنە قىزۋى 42 گرادۋس بولعاندىقتان، ونىڭ سالمونەلەز، قۇستۇماۋى سياقتى جۇقپالى دەرتتەرگە قارسى تۇرۋ قابىلەتى كۇشتى. سول سەبەپتى ونىڭ جۇمىرتقاسىن شيكىدەي جۇتۋ وتە پايدالى. جاپونيا مەن قىتاي دا بىرنەشە عاسىردان بەرى ونىڭ ەتىمەن جۇمىرتقاسىن حالىق مەديتسيناسىندا پايدالانىپ كەلەدى. ءتىپتى جاپونيادا مەكتەپ وقۋشىسىنىڭ تاڭەرتەڭگى اس مازىرىنە بودەنەنىڭ ەكى جۇمىرتقاسى مىندەتتى تۇردە ەنگىزىلەدى ەكەن. بۇل بالالاردى بورتپەمەن دياتەزدەن قۇتقارادى. سونداي-اق بالانىڭ ويلاۋ قابىلەتىن ارتتىرادى.

جالپى، بودەنە جۇمىرتقاسى انەمياعا، باس اۋرۋىنا، دەمىكپەمەن تۋبەركۋلەزگە، قانقىسىمىنىڭ كوتەرىلىپ جانە ءتۇسىپ كەتۋىن رەتتەۋگە، سالقىن تيگەنمەن تۇماۋعا، اسقازان، ىشەك اۋرۋلارىنا، اسىرەسە اسقازان جاراسىمەن گاستريتكە تاپتىرماسەم. ءتىپتى جاپوندىقتار بودەنە جۇمىرتقاسىن تۇراقتى تۇتىنعان ناۋقاستىڭ قاتەرلى ىسىكتىڭ وزىنەن ايىعاتىنىن دالەلدەگەن كورىنەدى.

تاريحي دەرەكتەردە بودەنە جايىندا تالاي قىزىقتار جازىلعان. بودەنە ەتى پاتشالارمەن اقسۇيەكتەردىڭ جەڭسىكاسى بولعان جانە داستارقانىنان ۇزىلمەگەن. بالانىڭ يممۋندىق جۇيەسىن نىعايتۋعا دا سەپتىگى زور.

بودەنە ءوسىرۋدى العاش قولعا العان جاپوندىقتار. قازىرگى تاڭدا جاپون بودەنەسى، مرامور بودەنەسى، اعىلشىن بودەنەسى، فاراون بودەنەسى اتتى ءتورت ءتۇرى وسىرىلەدى. بودەنەنىڭ جۇمىرتقاسى كوپتەگەن سىرقاتتارعا شيپا. اسىرەسە، ادام ورگانيزمىندەگى تەمىر قالدىقتارىمەن شلاكتاردى تازارتادى. برونحالىق استما، اسقازان اۋرۋلارى، تۋبەركۋلەز، حرونيكالىق حولەتسيستيكا، جۇيكە، جۇرەك اۋرۋلارىنا پايدالى.

قۇرامىندا- فوسفور، تەمىر، كاليي، راديونۋكليدتىڭ پايدالى قوسپالارى بار. قازاققا تاڭسىق قۇس ەمەس. قازاق ەرتەگىلەرىندە دە ءجيى ايتىلادى. ءبىراق وسى جۇدىرىقتاي قۇستىڭ ەتىمەن جۇمىرتقاسىن دا وسىنشاما ەمدىك دارۋمەن بار دەپ كىم ويلاعان؟ ەتى حولەستەرينسىز، جۇمىرتقاسى دارۋمەندىگى جاعىنان تاۋىق تان ءۇش ەسە قۇنارلى، امين قىشقىلى، ميكروەلەمەنتتەرگە باي.