+7 (701) 759 90 19
-20 °С : نۇر-سۇلتان
-9 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

ءجۇرسىن ەرمان اتاقتى اكتەر اسانالىمەن بايلانىستى ومىرىندەگى قىزىق وقيعالارىن ايتىپ بەردى

2 جەلتوقسان 14:55
:ءبولىسۋ
ءجۇرسىن ەرمان اتاقتى اكتەر اسانالىمەن بايلانىستى ومىرىندەگى قىزىق وقيعالارىن ايتىپ بەردى

نۇر-سۇلتان. قازاقپارات - اڭىز ادام اسانالى ءاشىموۆتىڭ دوستارى، زامانداستارى اشىموۆكە بايلانىستى ومىرىندەگى قىزىقتى وقيعالارىمەن ءجيى بولىسەدى.

ءجۇرسىن ەرماندى كورگەن جۇرت اۋەلى اسانالى اشىموۆكە ۇقساتىپ، كەيىن سۋرەتكە تۇسۋگە قۇمارلانىپ تۇرادى ەكەن. ءتىپتى، كەيدە جۋرناليستەردىڭ ءوزى شاتاساتىن كورىنەدى. ءجۇرسىن ەرمان «جانىمىز ۇقساس بولعان سوڭ، ءتۇرىسمىز دە ۇقساپ كەتكەن شىعار» دەيدى.

«جاقىندا مىناداي بولدى. ءوزى جۇرت اسانالى ەكەۋمىزدى شاتاستىرا بەرەدى. وزىمە مۇلدەم ۇقسامايتىن سياقتىمىز. ءبىراق، اسانالىنى مەن دەپ، مەنى اسانالى دەپ قالاتىن جاعدايلار بولدى. انا جىلى اعىباي باتىردىڭ تويىنا بارىپ، 300 جىلدىعىندا اعادىر اۋىلىنان قايتىپ كەلە جاتىرمىز. ورالحان بوكەيەۆ بار قاسىمدا. سودان ءداۋ قازاق ماشينامىزدى باسىپ كەتە جازداپ، اتپەن شاۋىپ كەلە جاتىر. ارتىمىزدان قالماي قويدى. «ورالحان قاراشى، مىنا قازاققا قارىز ەمەسسىڭ بە؟» دەدىم. «قارىز ەمەسپىن»، - دەيدى ورالحان.

توقتايىق وندا دەپ توقتادىق. 160 ك گ ءبىر ءداۋ جىگىت اتتان دومالاپ ءتۇستى. كەيىن تانىستىم. يمان ءتۇسىپ دەگەن جىگىت ەكەن.

«اسەكە، اسەكە دەيدى ماعان. مىنا قارابۇلاق دەگەن اۋىل ءبىر قوي بەرەيىن دەپ وتىر جەپ كەت» دەيدى. سوعان شاقىرادى. ول ول ما، سوندايى ءبىر تەلەارنا دا بولدى. اسەكەنىڭ 80 جىلدىعىنا بايلانىستى ءبىر حابارعا قاتىسىپ ەدىك. اسەكە ەكەۋمىز قاتار تۇرعانبىز. ەكى قىز بالا كەلىپ، «اسا اعا، سۋرەتكە تۇسەيىك» دەدى. «ەي، سەندەر مەنى بىلەسىڭدەر مە، مەنىڭ كينولارىمدى كوردىڭدەر مە؟» دەدىم. «ويباي اۋ، ءسىزدىڭ كينولاردى كورمەگەندە كىمدى كوردىك» دەيدى. اسەكە قاسىمىزدا كۇلىپ تۇر. ءوزى كۋا بولدى. جانىمىز جاقىن بولعان سوڭ، ءتۇرىمىز ۇقسايتىن شىعار»، - ەرمان.

ونىڭ ۇستىنە اسانالى ءاشىموۆتىڭ ءوزى ءجۇرسىن ەرماندى دۋبلەرىم دەيدى ەكەن. جاقىندا ءاشىموۆ ءۇشىن اقىن كينوعا دا ءتۇسىپ بەرىپتى.

«ول كىسى مەنى دۋبلەرىم دەپ جۇرەدى. انا جىلى ءبىر «كانيكۋلى كامبارا» دەگەن كينوعا ءتۇستىم اسانالىنىڭ ورنىنا. شالدىڭ ءرولىن سومدادىم. سودان بەرى دۋبلەرىم دەيدى»، - دەپ اعىنان جارىلدى ءجۇرسىن ەرمان.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات