پسيحولوگ ميحايل ليتۆاكتىڭ كەڭەستەرى

2. ەردىڭ، نە ايەلدىڭ لوگيكاسى دەگەن دۇنيە جوق، تەك ساۋاتتى ويلانا ءبىلۋ- بىلمەۋ قابىلەتى بولادى.

3. قاس دۇشپانىڭدى تانىعىڭ كەلە مە؟ ايناعا قارا. سونى جەڭسەڭ - قالعاندارى تىم-تىراقاي قاشادى.

4. دوستارمەن ارالاسقان جانعا جايلى، دۇشپانمەن ارالاسقان پايدالى.

5. قارىم-قاتىناستى ءۇزۋ مەن جۇمىستان شىعۋدىڭ ءبىر عانا سەبەبى بار - قالىپتاسقان جاعدايدا ءوز مەنىڭدى ءوسىرۋدىڭ مۇمكىندىگىنىڭ جوقتىعى.

6. جەتىلمەگەن تۇلعا كوبىنە بىلەدى، ءبىراق جاساي المايدى. ەسەيگەن ادام بىلەدى، ءارى جاساي الادى. سوندىقتان جەتىلمەگەن ادام سىنايدى، ەسەيگەن ادام جاسايدى.

7. دوستارىڭمەن دە، دۇشپانىڭمەن دە تەك قۋانىشىڭدى ءبولىس. دوس قۋانادى، دۇشپان قايعىرادى.

8. باقىتتىڭ سوڭىنا تۇسپە، باق قونعان جەردى تاپ. سوندا باقىت سەنى ءوزى تابادى. باقىت قايدا بولاتىنىن ايتا الام - ول سەن. باقىتقا باستار جول - بار قابىلەتىڭدى مەيلىنشە جەتىلدىرۋ.

9. باقىت - مۇلتىكسىز ۇيىمداستىرىلعان قىزمەتتىڭ «جاناما ولجاسى».

10. ەگەر بىرەۋ العىس ايتا المايدى ەكەن دەپ سوكسە، دەرەۋ جاقسىلىعى قانشا تۇراتىنىن انىقتا. اقىسىن تولە دە، ول ادامنان ىرگەڭدى بولەك سال.

11. ەگەر بىرەۋگە بىردەڭە دالەلدەگىڭ كەلسە، وندا سەن سونى دالەلدەگىڭ كەلەتىن ادام ءۇشىن ءومىر سۇرگەنىڭ. ءوزىڭ ءۇشىن ءومىر سۇرسەڭ، ەشكىمگە ەشتەڭە دالەلدەپ جۇتاۋدىڭ قاجەتى جوق.

12. ارماندار - قابىلەتىمىزدىڭ ىشكى داۋىسى. مىنا مەن وپەرادا ءانشى بولۋدى ارماندامايمىن. داۋىس جوق. ەستۋ قابىلەتىم دە ونشا ەمەس. ارمانداسام، وندا مەنىڭ قابىلەتتەرىم سول ارمانعا جەتەلەر ەدى. سوندىقتان وپەراعا بارسام دەر ەدىم. ارماندى قالاي جۇزەگە اسىرۋ كەرەكتىگىن ويلانۋ كەرەك. باستىسى - اسىقپاۋ، سوندا ءبارى تەز ارادا جۇزەگە اسادى. ەگەر ادام ءوزى تۋرالى: «ارماندارىمدى جۇزەگە اسىرۋمەن اينالىسىپ جاتىرمىن» دەي السا، وتە جاقسى.

13. ەلدىڭ سەن تۋرالى نە ويلايتىنىن بىلگىڭ كەلسە، ارمانىڭ مەن جوسپارىڭ تۋرالى ايتىپ بەر. كورەالمايتىندار سىنايدى. نيەتى تازا ادام جۇزەگە اسىرۋدىڭ جولىن كورسەتەدى.

14. ءبىر اداممەن سويلەسكەن كەزدە ونىڭ ءوزى تۋرالى وتە جوعارى پىكىردە ەكەنىن ۇمىتپا.

15. جەتىستىككە جەت - رەنىشىڭ باسىلادى.

اۋدارعان شىنار ءابىلدا