USD 434.34 EUR 491.93
RUB 5.56 CNY 68.67
جاڭالىقتار

تابانداعى بەلسەندى نۇكتەلەر ارقىلى اۋرۋدان ايىعۋعا بولادى

6 جەلتوقسان 16:29
:ءبولىسۋ
تابانداعى بەلسەندى نۇكتەلەر ارقىلى اۋرۋدان ايىعۋعا بولادى

نۇر- سۇلتان. قازاقپارات - اياققا كۇنى بويى كۇش تۇسەتىندىكتەن قاتتى شارشايدى. كەشقۇرىم ۋاقىتتا. اسىرەسە، بيىك وكشەلى اياق كيىمدى ۇناتاتىن ايەلدەر قاۋىمى اياق شارشاۋىنان زارداپ شەگەدى.

وسىندايدا تابان ماسساجى اياققا تۇسكەن اۋىرتپالىقتان ارىلتۋعا كومەكتەسەدى جانە ونى تەك قانا سول ءۇشىن جاساماۋ كەرەك.

رەفلەكسولوگيا قاعيدالارىنا سايكەس، اياق تاباندارىندا اعزانىڭ دۇرىس جۇمىس جاساۋىنا جاۋاپ بەرەتىن نەگىزگى نۇكتەلەر ورنالاسقان. اياقتاردى ۋقالاۋ سياقتى قاراپايىم ارەكەت دەنەنىڭ ءار ءتۇرلى مۇشەلەرىندەگى اۋرۋ تۋرالى ۇمىتۋعا كومەكتەسەدى. ايرىقشا ايماقتارعا اسەر ەتۋدىڭ ارقاسىندا ىشكى ورگاندارعا قان اعىنى كەلىپ، دەنساۋلىققا قاتىستى كوپتەگەن ماسەلەلەردى شەشۋگە مۇمكىندىك بەرەدى.

اياق ماسساجى

اياقتاردا ورنالاسقان جۇيكەلەر ساۋىعۋدىڭ ماڭىزدى قۇرالى. قيىر شىعىستىق مەديتسينادا تابان جانە ساۋساق ماسساجى پاناتسەيا (بارلىق اۋرۋدان قۇتقاراتىن امبەباپ ءدارى) دەپ سانالادى. مۇنداي پروتسەدۋرانى كەشكە جاساي وتىرىپ، كۇش اعىنىن سەزىنۋمەن قاتار، تۇنگى ۇيقىدا تولىققاندى دەمالاسىز جانە تاڭەرتەڭ سەرگەك وياناسىز. بۇل تەك قانا پايدالى تەراپيا ەمەس، ول جانعا وتە جاعىمدى تەراپيا.

اياق ماسساجىن جاساۋدىڭ بەلسەندى نۇكتەلەرى:

1. ەگەر اياقتىڭ ۇشتارىن ۋقالاسا، باس اۋرۋىنان قۇتىلىپ، مي قىزمەتىن جاقسارتۋعا بولادى.

2. ۇلكەن باقايدىڭ اينالاسى مويىن اۋرۋىن جازۋعا كومەكتەسەدى، تەك قانا بەلسەندىرەك ۋقالاساڭىز بولعانى.

3. تاباننىڭ ورتا جاعىن ۋقالاۋ وكپە اۋرۋىمەن كۇرەسۋگە كومەكتەسىپ، دەمىكپەدەگى پاتولوگيالىق جاعدايدى جەڭىلدەتەدى، ەنتىگۋدى باسادى.

4. ۇلكەن باقايدان ازداپ تومەن ورنالاسقان ايماقتى ۋقالاپ، ءسىز جۇرەك- قان تامىرلارى جۇيەسىن قورعاي وتىرىپ، جۇرەكتىڭ ەش شالىسسىز جۇمىس ىستەۋىن قامتاماسىز ەتەسىز.

5. تابانداعى دوڭەستىڭ ىشكى جاعىن ۋقالاۋ باۋىرعا تۇسكەن كۇشتەن ارىلتىپ، اۋىرۋ سەزىمىنەن قۇتقارادى.

6. وكشەنى جاقسىلاپ ۋقالاساڭىز، بەلىڭىزدىڭ اۋىرعانى ساپ تيىلادى.

muslim.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات