+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

بەلگىلى تۇلعالاردىڭ بەلگىسىز جەتىستىكتەرى

15 جەلتوقسان 13:01
:ءبولىسۋ
بەلگىلى تۇلعالاردىڭ بەلگىسىز جەتىستىكتەرى

نۇر -سۇلتان. قازاقپارات - اتى الەمگە ايگىلى ادامدار تۋرالى مالىمەتتەرگە اركىمنىڭ- اق قۇلاعى قانىق. ولار جايىندا ءبىلىپ، قابىلەتتەرىنە سۇيسىنگەن جاستار ۇلىلاردى ۇلگى تۇتادى.

الايدا، «بىلمەيتىنىڭ توقسان توعىز» دەگەندەي، بۇل تۇلعالاردىڭ ومىرىندە اق داق قالماعانداي كورىنگەنمەن، ءبىز بىلمەيتىن قاسيەتتەرى دە جەتىپ ارتىلادى ەكەن. ەندەشە، بىلە جۇرەيىك، ويعا تۇيە جۇرەيىك!

ۋولت ديسنەي وسكار سىيلىعىنا 59 رەت ۇسىنىلعان

تاريحتا ۋولت ديسنەي باسقا ادامدارعا قاراعاندا، ەڭ كوپ ماراپاتقا يە بولىپ، Academy Awards سىيلىعى بويىنشا كوپتەگەن نوميناتسيا الۋ ارقىلى رەكورد جاسادى. ديسنەي ءوز مانسابىندا وسكار سىيلىعىنا 59 رەت ۇسىنىلىپ، ونى 22 رەت جەڭىپ العان. ول، سونىمەن قاتار، ءتورت رەت قۇرمەت وسكار سىيلىعىن يەلەندى. سولاردىڭ ءبىرى، قيالى ارقىلى كينوفيلمدەردە دىبىس پايدالانۋدى جاقسارتقانى ءۇشىن، ال باسقاسى ميككي ماۋستى ويلاپ تاپقانى ءۇشىن بەرىلگەن ەدى. سونىمەن قاتار، ول Emmy Awards سىيلىعىمەن 7 رەت ماراپاتتالدى.

البەرت ەينشتەين يزرايل ەلىنىڭ پرەزيدەنتتىگىنە ۇسىنىلعان

ەينشتەين بالا كەزىندە ەركىن سويلەي الماعان ەكەن. سول سەبەپتى، اتا- اناسى ونىڭ اقىل- ەسى كەم بولۋى مۇمكىن دەگەن ويعا كەلەدى. الايدا، البەرت ەينشتەين تەرەڭ ءبىلىمىنىڭ ارقاسىندا يزرايل ەلىنىڭ پرەزيدەنتتىگىنە ۇسىنىلادى. 1952 -جىلى حايما ۆەيزمانن ەسىمدى پرەزيدەنت قايتىس بولعاننان كەيىن، پرەمەر- مينيستر داۆيد بەن- گۋريوننان وسىنداي ۇسىنىس تۇسەدى. «مەن ازداپ عىلىمدى عانا بىلەمىن، ال ادامدار تۋرالى مۇلدەم ەشتەڭە بىلمەيمىن» دەپ، ەينشتەين پرەزيدەنتتىكتەن باس تارتادى. اتا- اناسى ءۇمىت كۇتپەگەن بالا تەك عىلىمدا جەتىستىككە جەتىپ قانا قويماي، سونىمەن قاتار سكريپكا اسپابىندا ويناي بىلگەن.

دجوردج بەرنارد شوۋ - نوبەل جانە وسكار سىيلىقتارىن بىردەي العان جالعىز ادام

يرلاند وتباسىندا دۇنيەگە كەلگەن اعىلشىن جازۋشىسى دجوردج بەرنارد شوۋ قوس ماراپاتتى بىردەي العان جالعىز ادام - ول نوبەل سىيلىعىن 1925 -جىلى ادەبيەتكە وراسان زور ۇلەس قوسقانى ءۇشىن جانە 1938 -جىلى وسكار سىيلىعىن «پيگماليون» ءفيلمى بويىنشا جاساعان جۇمىسى ءۇشىن يەلەندى.

لەوناردو دا ۆينچي ءبىر قولىمەن جازىپ جاتقان كەزدە، ەكىنشى قولىمەن سۋرەت سالا الاتىن بولعان

لەوناردو دا ۆينچي كەرەمەت سۋرەتشىلىمەن قاتار، ونەرتاپقىش، عالىم، ماتەماتيك، ينجەنەر، جازۋشى، مۋزىكانت جانە تاعى باسقا قاسيەتتەرگە يە بولعان. لەوناردو دا ۆينچي ءبىر قولىمەن جازىپ جاتقان كەزدە، ەكىنشى قولىمەن سۋرەت سالا الاتىن بولعان. تاريحي تۇلعا كەرىسىنشە جازۋ ارقىلى ءوز ويلارىن باسقالاردان جاسىرىن ۇستاعان. ونىڭ شىعارمالارىن وقۋ ءۇشىن اينا پايدالانۋعا تۋرا كەلەدى.

لەوناردو دا ۆينچي مونا ليزا كەسكىندەمەسىن جاساۋعا 15 -جىل جۇمىس ىستەدى. ول 1519 -جىلى قايتىس بولعان كەزدە، تۋىندىنىڭ بەتىندە كۇنى جازىلىپ، قولى قويىلماعان بولاتىن. بۇل سۋرەتشىنىڭ ويىنشا مونا ليزا كەكىندەمەسى اياقتالماعان بولسا كەرەك.

ناپولەون بوناپارت سۋرەتشى ءارى جازۋشى بولعان

فرانسيانىڭ مەملەكەتتىك قايراتكەرى، قولباسشى، يمپەراتور ناپولەون بوناپارتتىڭ اتى ءوز كەزىندە كۇللى عالامدى ءدۇر سىلكىندىرگەن. ونىڭ مىقتى اسكەري قابىلەتتەرىنەن وزگە، ءبىز بىلمەيىن قىرلارى دا بار بولىپ شىقتى. مىسالى، يتاليا ۇلتتىق تۋىنىڭ سۋرەتىن ناپولەون بوناپارتتىڭ ءوزى دايىنداعان. ناپولەون، سونىمەن بىرگە «كليسسون جانە ەۆگەنيا» اتتى رومانتيكالىق تۋىندى جازعان. بۇل وقيعادا جاۋىنگەر مەن ونىڭ سۇيىكتىسى اراسىنداعى سەزىم سيپاتتالادى. بۇدان ءوزى مەن دەزيرەنىڭ اراسىنداعى قارىم- قاتىناستان ايقىن پاراللەل كورۋگە بولادى.

massaget.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات