ەسىنەۋ جۇقپالى «اۋرۋ» ما؟

ول ەسىنەۋدىڭ ەرەكشە جاعىمدى سيپاتىنا بايلانىستى ەمەس. شىندىعىنا كەلگەندە، ءبىز ونى بەيسانالى تۇردە جاسايمىز. سەبەبى ميىمىز ەسىنەۋدى قالايتىن «جۇقپاعا» قارسى تۇرا المايدى.

بۇل رەتتە سانداعان جىل بويى «ەسىنەۋ فەنومەنىن» زەرتتەپ كەلە جاتقان عالىمدار پىكىرىن تىزبەلەۋدى ءجون كوردىك.

زەرتتەۋ جۇمىستارىنا سايكەس، ءبىز فوتوسۋرەتتەن نە ۆيدەوجازبادان ەسىنەگەن ادام ءتۇرىن كورگەندە، ول دا، تيىسىنشە، ەسىنەي جاۋاپ بەرۋىمىزگە سەپ بولادى. وعان قوسا مىندەتتى تۇردە كەڭ اشىلعان اۋىزعا ەمەس، جۇمىلعان كوزدەرگە قاراۋدىڭ ءوزى جەتكىلىكتى. ەگەر بۇل ماقالانى وقۋ بارىسىندا ەسىنەگەن بولساڭىز، دەمەك ەسىنەۋدى ءوز ويىڭىزدا بەينەلەدىڭىز.

عالىمدار ەسىنەۋدىڭ جۇقپالىلىعىن، بوتەن ادامنىڭ سەزىمى مەن كوڭىل-كۇيىن ءبولىسۋ سەزىمى، ەمپاتيامەن بايلانىستىرادى. ولار ەسىنەگەن جان يەلەرىنىڭ فوتوسۋرەتىن كورگەننەن كەيىن جاۋاپ رەتىندە ەسىنەگەن كەزدە، ادامداردا ميدىڭ ەمپاتياعا جاۋاپتى بولىگى بەلسەندىلىك تانىتاتىن انىقتاعان. ياعني ءبىز ەسىنەگەن ادامعا «جانىمىز اشىپ»، بىردەن «باسىنا تۇسكەن اۋىرلىقتى» بولىسۋگە تىرىسامىز.

ەسىنەۋ 4 جاستان اسقاندا جۇقپالى سيپات الادى. ال بۇل فەنومەننىڭ ءوزىن شارشاۋ، زەرىگۋ نە وتتەگى جەتىسپەۋىمەن تۇسىندىرەدى. سونىمەن قاتار 20 گرادۋس تەمپەراتۋرا شاماسىندا ءجيى ەسىنەيدى ەكەنبىز. ول ءبىزدىڭ كۇندەلىكتى جۇمىس جاسايتىن كەڭسە، بولمەلەردەگى تەمپەراتۋراعا سايكەس.