دەنساۋلىق: اعزاڭىزعا قانداي دارۋمەن جەتىسپەيتىنىن بىلىگىڭىز كەلە مە؟

يەكتەگى بەزەۋ. يەگىڭىزدە بەزەۋ پايدا بولسا، ايەلدەر دارىگەرىنە قارالىڭىز. بۇل ايماقتاعى كەز كەلگەن بورتپە جىنىستىق اۋرۋلار مەن گورمونداردىڭ بۇزىلۋىن حابارلايدى. ءوز بەتىڭىزبەن ەمدەلمەڭىز. الدىمەن، انالىق جىنىس بەزىن تەكسەرتىپ، ميكروفلورادان جۇعىندى الىپ، گورمونداردى انىقتاۋ ءۇشىن قان تاپسىرىڭىز.

تىرناقتاعى داق. تىرناعىڭىزدا اق داقتار كەزدەسسە، اعزاڭىزدا دارۋمەندەردىڭ جەتكىلىكسىز بولعانى. مەديتسينادا لەيكونيحيا دەپ اتالادى. ا جانە ە دارۋمەندەرى، تەمىر مەن مىرىشى مول ونىمدەردى كۇندەلىكتى استا پايدالانۋ ارقىلى ەمدەلىڭىز.

ماڭدايداعى بورتپە. ۇساق بورتپەلەر مەن بەزەۋلەر تەرىڭىزدى دۇرىس تازالامايسىز دەگەن ءسوز ەمەس. ماڭدايداعى بۇل ماسەلە اسقازان- ىشەك جولدارى جۇمىسىنىڭ بۇزىلۋىنان تۋىندايدى. گاستريت نە ديسباكتەريوزعا شالدىققان بولۋىڭىز مۇمكىن. سوندىقتان گاستروەنتەرولوگتىڭ كومەگىنە جۇگىنىڭىز.

شاشتىڭ ءتۇسۋى. ونىڭ سەبەبى ءار ءتۇرلى بولادى. كۇز بەن كوكتەمدە شاشتىڭ ءتۇسۋى ۇدەپ كەتەدى. اڭگىمە بۇل تۋرالى ەمەس. باسىڭىزدى جۋۋعا، تاراۋعا قورقاتىن بولساڭىز، ءبىزدىڭ كەڭەسكە جۇگىنىڭىز.

دۇرىس تاماقتانباۋ، مەرزىمى مىزعىمايتىن ديەتا، قاتتى كۇيزەلىس، گورمونداردىڭ بۇزىلۋى اسەر ەتەدى. كۇيزەلىس دەپ قالدىق. قاجىپ، شارشاعانىڭىز شاشقا 2-3 ايدان كەيىن اسەر ەتىپ، كەنەتتەن شاشىڭىز تۇسە باستايدى. ول جاعداي ءسىزدىڭ ەسىڭىزدەن شىعىپ كەتتى، ءبىراق ءسىزدىڭ اعزاڭىز ونى ۇمىتپايدى. دەپرەسسياعا تۇسۋدەن، تورىعۋدان ساقتانىڭىز.

سونىمەن قوسا، ارنايى سۋسابىن ساتىپ الۋ ءۇشىن ءدارىحاناعا جۇگىرمەڭىز. قان قۇرامىنا بيوحيميالىق جانە گورمونالدىق ساراپتاما جاساتىڭىز.

كوز استىنىڭ كۇلدىرەۋى جانە ءىسۋى. بۇيرەكتى تەكسەرتەتىن ۋاقىت جەتتى. تاڭەرتەڭ كوزىڭىز ارا شاققانداي ءىسىپ تۇراتىن بولسا، دارىگەرگە كورىنىڭىز. ءۇي جاعدايىندا ەمدەۋ ەش ناتيجە بەرمەيدى. تەك ماماندار كەڭەسىنە جۇگىنىڭىز.

كوز استىنىڭ كوگەرۋى. بارلىعىمىزدىڭ كوزىمىزدىڭ استى بىلىنەر- بىلىنبەس قارايىپ تۇرادى. دەگەنمەن تىم قوشقىل كولەڭكە پايدا بولىپ، اجارىڭىزدى كەتىرسە كارديولوگقا بارىڭىز. بۇل جۇرەك قان تامىرى جۇمىسىنىڭ دۇرىس ەمەستىگىن اڭعارتادى.

بەتتەگى ۇساق تامىرلار. ولاردى كوررەكتوردىڭ كومەگىمەن كۇنى بويى جاسىرىپ ۇستاۋعا كەلمەيدى. بەتتەگى قىزىل تامىرلار باۋىردىڭ سىرقاتىن جانە ونىڭ سوزىلمالى دەرتكە شالدىققانىنان بىلدىرەدى.

تىرناقتىڭ كوكشىلدەنۋى. وتە سيرەك بولسا دا تىرناقتىڭ كوگەرىپ، قابىرشىقتانىپ كەتۋى كەزدەسەدى. وزىڭىزدەن بايقاساڭىز تەز ارادا دارىگەرگە كورىنىڭىز. بۇل اعزاعا وتتەگىنىڭ جەتىسپەۋىنەن پايدا بولادى. مەديتسينادا تسيانوزوم دەپ اتالادى. ەڭ الدىمەن قانعا جالپى ساراپتاما جاساپ، گەموگلابيننىڭ، قان جاسۋشالارىنا وتتەگىنىڭ جەتۋ دەڭگەيىن انىقتاۋ كەرەك.

بوزارۋ. تابيعي اق تەرى تۋرالى ەمەس، ءتۇردىڭ سولعىن تارتىپ، بەت شىرايىنىڭ تايۋىن ايتامىز. ءسىزدىڭ اعزاڭىزعا تەمىر جەتىسپەۋى مۇمكىن. قانىڭىزدى تەكسەرتىپ، قانت قۇرامىن انىقتاڭىز. مىندەتتى تۇردە تەمىردى كوبەيتۋدىڭ قاجەتى جوق بولار. دارىگەرمەن كەڭەسىڭىز.

يرەك تىرناق. ساۋ تىرناق تەگىس كەلەدى. ونىڭ دوڭەس، تولقىندى بولا باستاعانىن سەزسەڭىز ماماندارعا جۇگىنىڭىز. يرەك تىرناق - قان ازدىقتىڭ بەلگىسى. دەمەك، ءسىزدىڭ اعزاڭىز تەمىردى قاجەت ەتەدى، دەپ جازادى alauinform.com.