ءان ايتۋدىڭ پايداسى

بۇل تۋرالى anabol.kz جازادى.

1. باقىت گورمونى بولىنەدى

ءان شىرقاۋ ميىڭىزعا مول اسەرىن تيگىزەدى. سەبەبى ءان ايتقاندا جۇيكە جۇيەسى تىنىشتالىپ، راحاتتانادى. سونىمەن قاتار ەندورفين گورمونى بولىنەدى. ونى «باقىت گورمونى» دەپ اتايدى. ال ول ءسىزدىڭ دەنساۋلىعىڭىزدا ماڭىزدى ءرول اتقارادى.

2. كۇش-قۋاتىڭىزدى ارتتىرادى

ادام ءان ايتقان كەزدە كۇش-قۋاتى ارتا تۇسەدى. كوڭىل-كۇيىڭىز كوتەرىلىپ، شارشاعانىڭىز ءبىر-اق ساتتە باسىلادى.

3. كۇيزەلىستى جەڭەدى

ءان سالۋ ارقىلى ءسىز كۇيزەلىستى جەڭەسىز. حورمەن بىرگە نەمەسە انسامبلدە ءان ايتاتىن ادامدار وزدەرىن سەنىمدى ءارى تابىستى سەزىنەدى. دەپرەسسياعا ۇشىراعان كەزدە دە ءان سالعان جاقسى. ناتيجەسىنە كوزىڭىزدى جەتكىزەسىز.

4. تىنىس الۋ جولدارىن تازارتادى

ءان ايتۋ بارىسىندا تىنىس الۋ جولدارىڭىزدى تازارتاسىز. مۇرىن، تاماق اۋرۋى انشىلەرگە كوپ قاۋىپ توندىرمەيدى. ءتىپتى ءان ايتۋمەن اينالىسساڭىز، گايموريتتەن دە قورقۋدىڭ قاجەتى جوق.

5. ويلاۋ قابىلەتىن جاقسارتادى

ورتا جۇيكە جۇيەسى مەن ميىڭىزعا ءان سالۋدىڭ اسەرى كوپ. باسقا ونەر تۇرلەرىنە قاراعاندا ونىڭ ميمەن بايلانىسى وتە جاقىن. ويلاۋ قابىلەتىن جاقسارتىپ، اسا قاۋىپتى اۋرۋلاردىڭ ءبىرى - التسگەيمەردىڭ دە الدىن الادى.

ەگەر ءالى ءوزىڭىزدىڭ حوببيىڭىزدى تاپپاساڭىز، وندا ءان ۇيىرمەسىنە جازىلۋعا كەڭەس بەرەمىز. سوندا ءسىز جوعارىدا ايتىلعان اۋرۋلار مەن زياندى زاتتاردى ەسىڭىزگە دە المايسىز.