تۇستەن كەيىن ۇيىقتاۋدىڭ پايداسى

وسى نورمانى كۇندىز جانە تۇندە دەپ ءبولۋ كەرەك. مىسالى، 5-6 ساعات تۇندە ۇيىقتاساڭىز، قالعان ۋاقىتتى كۇندىزگى ۋاقىتقا قالدىرىڭىز. سەبەبى، ءتۇس مەزگىلىندەگى ۇيقى:

زەيىندى اشادى

سوڭعى زەرتتەۋلەر بويىنشا، تاڭدا 20 مينۋت ۇيىقتاعانعا قاراعاندا، تۇستەن كەيىن 20 مينۋت ۇيىقتاعان پايدالىراق ەكەنى دالەلدەنگەن. مىسالى، NASA اگەنتتىگى ۇشقىشتار مەن عارىشكەرلەردىڭ ءتۇس مەزگىلىندەگى 20 مينۋتتىق ۇيقىسى جۇمىسقا دەگەن قابىلەتىن %34، ال زەيىنىن % 100 ارتتىرعانىن بايقاعان.

ءتىپتى، از ۇيىقتاعان كەزدە، ءتۇس كورمەسەڭىز، ۋايىمداماڭىز. ءسىز ءتۇس كورۋ ءۇشىن ەمەس، سەرگەك بولۋ ءۇشىن، زەيىننىڭ ويانۋى ءۇشىن كوز ءىلىپ الاتىنىڭىزدى ۇمىتپاڭىز.

كۇيزەلىستى جويادى

كۇندىزگى ۇيقى اعزاداعى كۇيزەلىستەن بولىنگەن گورمونداردىڭ كولەمىن ازايتادى جانە ەموتسيونالدى كۇشتەن قورعايدى. ەگەر تىنىققىڭىز كەلسە، تىنىش ءارى قولايلى جەر تاڭداڭىز.

جۇرەك اۋرۋلارىن ازايتىپ، قىسىمدى ءبىرقالىپتا ۇستايدى

عالىمدار ەش جەرىڭىز سىر بەرمەسە دە، كۇندىز ءبىر رەت كوز شىرىمىن الۋ كەرەك دەيدى. سەبەبى، بۇل - بولاشاق ساۋ ءومىر كەپىلى. كۇندىزگى ۋاقىتتا 15-20 مينۋت كوز ءىلىپ الۋدى داعدىعا اينالدىرساڭىز، قان قىسىمىڭىزدى ءبىر رەتتىلىككە كەلتىرەدى ءارى جۇرەك اۋرۋلارىن % 37 ازايتادى. سونىمەن قاتار، اعزا جاسۋشالارىنىڭ قالپىنا كەلۋىنە كومەكتەسەدى.

ەستە ساقتاۋ قابىلەت ارتادى

عالىمدار ۇيقىدان ويانعان ادامنىڭ ميىن قۇرعاق ىدىس جۋعىشقا (گۋبكا) تەڭەيدى. ياعني، قۇرعاق ىدىس جۋعىش سۋدى تەز سىڭىرسە، تىنىققان مي دا اقپاراتتاردى تەز قورىتا الادى. سوندىقتان، وقۋشىلار مەن ستۋدەنتتەردىڭ كۇندىز ءبىر رەت تىنىعىپ العاندارى دۇرىس. ارينە، ءدارىس ۇستىندە ەمەس. باستىسى - ءوز- ءوزىن تەجەۋ. كۇندىز ۇيقى قانعانشا 2-3 ساعات ۇيىقتاۋ كەرى اسەر ەتەدى.

فيزيكالىق بەلسەندىلىكتى ارتتىرادى

تۇستەن كەيىن 20 مينۋت ۇيىقتاپ الۋ سپورتپەن جانە فيتنەسپەن بەلسەندى تۇردە اينالىساتىن ادامدارعا مىندەتتى تۇردە قاجەت. ءتىپتى، تۇندە 8 ساعات ۇيىقتاپ ءجۇر دەگەن كۇننىڭ وزىندە، تۇسكى ۋاقىتتا كوز ءىلۋ شارشاۋدى باسادى، كۇننىڭ ەكىنشى بولىگىنە بەلسەندىلىك سىيلايدى.

massaget.kz