مي جۇمىسىن ارتتىرۋدىڭ جولدارى

None
None
نۇر- سۇلتان. قازاقپارات - عالىمداردىڭ ايتۋىنشا ادامدار ميىنىڭ از مۇمكىندىگىن عانا قولدانادى ەكەن.

ال كۇندەلىكتى ءبىر جۇمىستى ورىنداپ، ءبىرسارىندى ءومىر سۇرسەڭىز، ميىڭىز ءتىپتى دامىماي قالادى. مي اۋرۋلارىنىڭ الدىن الىپ، اقىل مەن ەستى دامىتۋ جولدارى بار ەكەن. سونىمەن، ميدى قالاي جاتتىقتىرۋعا بولادى؟ نازارلارىڭىزعا بىرنەشە ادىستەردى ۇسىنامىز.

1. جاڭا ورىن. ەشقاشان كورمەگەن نەمەسە وتە سيرەك باراتىن جەرلەردى ارالاڭىز. ول ۇلكەن ساياباق، كورمە نەمەسە زەرگەرلىك دۇكەن بولۋى مۇمكىن.

2. جاڭا يىستەر. ەفير مايى قۇيىلعان كىشكەنتاي فلاكوندى نەمەسە حوش يىستەندىرىلگەن كەز كەلگەن زات ساتىپ الىڭىز. ءار تاڭدا ويانا سالا، سول جاڭا ءيىستى يىسكەپ ءجۇرىڭىز - بۇل ميدى «وياتۋعا» كومەكتەسەدى.

3. جۇمۋلى كوز. كەشكە ۇيىڭىزدە جارىقتى جاقپاي، ءبىراز نارسەنى ويشا تاۋىپ كورىڭىز. بۇل جاتتىعۋ زەيىنىڭىز بەن ەستە ساقتاۋ قابىلەتىن جاقسارتادى. سونداي-اق، دۋشقا تۇسكەندە دە كوزىڭىزدى جۇمىپ الىڭىز. ەشتەڭە كورمەگەندىكتەن باسقا مۇشەلەرىڭىزدىڭ سەزگىشتىگى ارتا تۇسەدى.

4. قول جۇمىسىن اۋىستىرۋ. ادەتتە ءتىسىڭىزدى جۋعاندا شەتكانى وڭ قولىڭىزعا ۇستايسىز با - اۋىستىرىڭىز. تاماقتى سول قولمەن جەيسىز بە - اۋىستىرىپ كورىڭىز. ءتىنتۋىردى دە ءبىراز ۋاقىت سول قولمەن پايدالانۋدى ادەتكە اينالدىرىڭىز.

5. جاڭا گاردەروب. ءار كۇنى ءار ءتۇرلى كيىم كيىڭىز. عالىمداردىڭ ايتۋىنشا، ادامداردىڭ كيىمىنە قاراي ويى دا وزگەرىپ وتىرادى ەكەن.

6. ىمداۋ جانە قيمىلدارمەن ءتۇسىندىرۋ. سوزبەن ەمەس، قولدارىڭىزدىڭ كومەگىمەن اڭگىمە ايتىپ كورىڭىز. تۇسىنبەگەندەرگە تۇسىندىرۋگە تىرىسىڭىز.

7. جاڭا جول. جۇمىسقا تانىس ەمەس، بۇرىن جۇرمەگەن جولدارمەن بارىڭىز (قايتىڭىز). ول جول الىس بولسا، تىپتەن جاقسى، ميدىڭ جۇمىسىنا پايداسىن تيگىزىپ قانا قويماي، دەنەگە جاتتىعۋ بولادى.

8. وزىڭىزگە دەگەن سەنىمدىلىك. ۇنەمى وزىڭىزگە سەنىمدى بولىڭىز. ءتىپتى ءسىز جاقسى بىلمەيتىن قىزمەتتى ۇسىنسا دا، كەلىسە بەرىڭىز. ءسىز ءبارىن دۇرىس بىلمەي تۇرعاندا مي بەلسەندى قىزمەت اتقارىپ، ءبىر امالى تابىلا كەتەدى.

9. ستاندارتتان تىس جاۋاپتار. جاۋابى قالىپتى سۇراقتاردىڭ وزىنە باسقاشا جاۋاپ بەرۋگە تىرىسىڭىز. مىسالى، «قالىڭ قالاي؟» دەگەن سۇراققا وتە ۇزاق ءارى كرەاتيۆتى قىلىپ جاۋاپ بەرۋگە بولادى. تاپتاۋرىن بولعان ادەتتەردەن ارىلىڭىز.

10. تيىندار. تيىننىڭ قانشا تەڭگەلىك ەكەنىن ساۋساقتارىڭىزبەن سيپاپ انىقتاۋعا تىرىسىڭىز. بۇل جاتتىعۋ، اسىرەسە، كەزەك كۇتىپ وتىرعاندا ءىش پىستىرمايدى ءارى پايدالى.

11. جاڭا جۋرنالدار. گازەت- جۋرنالدار سورەسىنە جاقىنداعاندا مۇلدە نازار اۋدارمايتىن جۋرنالداردى الىڭىز. مىسالى، سەزدى ءسان جۋرنالدارى قىزىقتىرسا، ەكونوميكا سالاسىنا ارنالعان جۋرنالدى الىڭىز. باسقا ەلدەر مەن ساياحات تۋرالى وقىعاگدى ۇناتاسىز با؟ وندا جانۋارلار تۋرالى قىزىقتى جازبالارعا كوڭىل اۋدارىڭىز.

12. دىبىسسىز تەلەديدار. تەلەديداردىڭ داۋىسىن ءوشىرىپ تاستاڭىز دا، ەكرانداعى كەسكىندەرگە قاراپ، ديالوگ نە مونولوگ قۇراستىرىپ كورىڭىز. بۇل جاتتىعۋدى دوستارىڭىزبەن وتىرىپ جاساعان اناعۇرلىم قىزىقتى وتەدى.

13. ءار ءتۇرلى دەمالىس. دەمالىسىڭىزدى تەك قالادا وتكىزىپ جۇرگەن بولساڭىز، كەلەسىدە قالا سىرتىنا، تابيعاتقا شىعىڭىز. مۋزىكا تىڭداعاندى اسا ۇناتپايسىز با؟ كونسەرتتەرگە بارىڭىز، ءتۇرلى سەزىمدەر بولارى ءسوزسىز. ءتىپتى ۇناماي بارا جاتسا، كەتىپ قالا سالاسىز.

14. جاڭا قارقىن. بۇل جاتتىعۋلاردى دەمالىستا قولدانۋعا كەڭەس بەرەمىز. ەگەر كەز كەلگەن ءىستى اسىقپاي ىستەيتىن بولساڭىز، 2-3 ەسە قارقىن قوسىپ، شاپشاڭداتۋعا تىرىسىڭىز. ال، ەگەر ءبىر ورىندا وتىرا المايتىن تىنىمسىز بولساڭىز، ءبارىن وتە باياۋ اتقارۋعا تىرىسىڭىز. بايىپپەن قاراڭىز.

15. ازىلدەر. جاڭا ازىلدەر مەن انەكدوتتار ويلاپ تابۋ - ميعا وتە پايدالى. بۇل اقىل- ويدىڭ جۇمىسىن جاقسارتىپ قانا قويماي، كرەاتيۆتى ويلاۋ جاعىن دا دامىتادى.

اقپارات ينتەرنەتتەن الىندى


سوڭعى جاڭالىقتار