پياز قابىعىنىڭ پايداسى

ويتكەنى ونىڭ قۇرامىندا دارۋمەندەر مەن پايدالى ەلەمەنتتەر كوپ. سوندىقتان ءارتۇرلى اۋرۋعا قارسى بەلسەندى كۇرەسەدى. ءبىز سىزدەردىڭ نازارلارىڭىزعا پياز قابىعى ارقىلى الدىن الۋعا بولاتىن ءبىر توپ اۋرۋ ءتىزىمىن ۇسىنامىز.

تاماعىڭىز ءجيى اۋىرسا

پياز قابىعىنىڭ ۇستىنە قايناعان سۋ قۇيىپ، سۇزگىدەن وتكىزىپ، تاماعىڭىزدى شايىڭىز.

تۇماۋعا تاپ بولساڭىز

قايناپ جاتقان سۋعا ءتورت اس قاسىق ۇنتاقتالعان پياز قابىعىن سەۋىپ، 3-5 مينۋت ىستىق بۋىمەن دەم الىڭىز.

قاتتى جوتەلسەڭىز

2 ستاقان سۋعا 2 اس قاسىق پياز قابىعىن سالىپ، 15 مينۋت قايناتىڭىز جانە مىندەتتى تۇردە سۇزگىدەن وتكىزىڭىز. كۇنىنە ءۇش رەت تاماق ىشەردەن جارتى ساعات بۇرىن ¼ ستاقاننان تۇتىنىڭىز.

بۇيرەگىڭىز بەن قۋىق قالبىرشاعىڭىز اۋىرسا

3 اس قاسىق ۇنتاقتالعان پياز قابىعىن الىپ، ۇستىنە 2 ستاقان قايناعان سۋ قۇيىپ، 30 مينۋتقا قالدىرىڭىز. قۋىعىڭىز قاتتى قابىنىپ اۋىرسا، كۇنىنە 2 رەت 50 ميلليدەن 3-5 كۇن ءىشىڭىز. ال، ۇنەمى اۋىراتىن بولسا، وندا كۇنىنە 3-4 رەت 2 اس قاسىقتان 10 كۇن ۇزبەي تۇتىنىڭىز.

تامىر اۋرۋلارى مازاڭىزدى السا

2 اس قاسىق ۇنتاقتالعان پياز قابىعىنا 100 ميللي قايناعان سۋ قۇيىپ، 7 كۇن كۇتىڭىز. دايىن بولعان سوڭ جاقسىلاپ سۇزگىدەن وتكىزىپ، كۇنىنە 3 رەت تاماقتان جارتى ساعات بۇرىن 20 تامشىسىن ءىشىڭىز.

مىناداي ءتاسىلى دە بار

2 اس قاسىق پياز قابىعىنا 400 ميللي قايناعان ىستىق سۋ قۇيىپ، 6 ساعات كۇتىپ، كەيىن سۇزگىدەن وتكىزىپ، كۇنىنە 3 رەت تاماق ىشەردەن جارتى ساعات بۇرىن ¼ ستاقاننان 7-10 كۇن ءىشىڭىز. ءبىر اپتا ءۇزىلىس جاساپ، ەمدەلۋ كۋرسىن ءارى قاراي جالعاستىرۋعا بولادى.

دەنساۋلىق - ەڭ باستى بايلىق ەكەنىن ەستەن شىعارمايىق، دوستار!

massaget.kz