امەريكالىق پسيحولوگ دەيل كارنەگيدىڭ كوشباسشىلىق تۋرالى ويلارى

1. ماقتاۋ مەن ءادىل باعالاۋدان باستاڭىز. ەگەر جۇمىس كۇنىن قىزمەتكەرلەرىڭىزدىڭ جۇمىسىن ماقتاۋدان باستاساڭىز، ادامداردىڭ كوڭىلىن كوتەرەسىز.

وسىنىڭ ارقاسىندا قىزمەتكەرلەر جۇمىس ساپاسىن ودان دا جوعارىلاتۋعا ۇمتىلادى.

2. قاتەلىكتەر جونىندە بەتپە-بەت كەزدەسىپ ايتىڭىز. ال ەگەر ءسىز ادامدى كوپشىلىكتىڭ الدىندا سىناساڭىز، ول تەك وعان ىڭعايسىزدىق تۋعىزىپ قانا قويماي، ءسىزدى قاتال، تۇسىنە المايتىن ادام رەتىندە كورسەتەدى. سىندى تەك بەتپە-بەت قانا ايتۋ كەرەك. وسىنداي جاعدايدا عانا قىسىلماي سويلەسۋگە بولادى. سونىمەن قاتار، سىن سىپايى تۇردە ايتىلۋ كەرەك.

3. ءبىر ادامدى سىناۋدىڭ الدىندا، ءوز قاتەلىكتەرىڭىز تۋرالى ايتىڭىز. ەگەر باسقا دا ادامداردىڭ قاتەلەسەتىنى جايلى بىلگەندە، جەتىلۋ ءۇشىن ادامعا وڭايعا تۇسەدى. بۇل ءسىزدى ادامگەرشىلىگى بار، سەنۋگە بولاتىن ادام رەتىندە كورسەتىپ، قىزمەتكەرلەردى سىزگە قۇلاق اسۋدى ماجبۇرلەيدى.

4. بۇيرىق بەرۋدىڭ ورنىنا، يدەيالاردى اكەلەتىن سۇراقتاردى قويىڭىز. ەگەر ادام ءوز يدەياسىن ىسكە اسىرسا، ول ودان دا جاقسى جۇمىس ىستەيدى. ال ەگەر بىرەۋدىڭ تاپسىرماسى بولسا، ول ونى تەك جاي ورىنداۋ ءۇشىن عانا ىستەيدى.

5. كومپانيادان كەتەتىن ادامنىڭ ابىروي-بەدەلىن ساقتاۋعا كومەكتەسىڭىز. ادامنىڭ كومپانيادان جاي عانا شىعىپ كەتپەي، باعالى قىزمەتكەر رەتىندە كەتكەندىگى جاقسى. بۇل، قىزمەتكەرگە ابىرويىن ساقتاۋعا كومەكتەسەدى. سوندىقتان دا جۇمىستان شىعىپ كەتكەن قىزمەتكەرلەرگە تۇسىنىستىكپەن قاراڭىز.

6. كىشىگىرىم جەتىستىگى ءۇشىن دە ماقتاڭىز. جۇمىستىڭ ءاربىر كىشىگىرىم جاقسارۋىن بايقاساڭىز بۇنى ماقتاپ، جاقسى ءسوز ايتقانىڭىز ءجون. بۇل قىزمەتكەردى جىگەرلەندىرىپ، ىستەگەن ءىسىن ودان دا جاقسى كورۋگە الىپ كەلەدى. جۇمىستى ودان دا جاقسى ىستەۋ ءۇشىن قاناتتاندىرادى.

7. باسقا ادامعا جاقسى ابىروي-بەدەل بەرىڭىز، ول وسىعان لايىقتى بولۋ ءۇشىن تالاپتانا باستايدى. قىزمەتكەرگە ونىڭ بويىنداعى قىرلارى كومپانياعا قاجەت تۋرالى وي سالىڭىز. بۇل قىرلاردىڭ ونىڭ بويىندا بولسا دا، بولماسا دا. ەگەر قىزمەتكەردە وسىنداي سەنىم پايدا بولسا، ول جۇمىسىن ودان ءارى جاقسارتىپ، وسى قىرلار ونىڭ بويىندا پايدا بولادى.

8. قاتەلىكتى تۇزەتۋ وڭاي ەكەندىگىن كورسەتىڭىز. جاقسى سوزدەر جانە قولداۋ، قاتەلىكتەردى تۇزەتۋدى جەڭىلدەتەدى. بۇل ادامدى جىگەرلەندىرەدى.

9. ءسىز ۇسىنعان جۇمىستى ىستەۋ قىزمەتكەرلەرىڭىز ءۇشىن باقىت بولاتىنداي جاعدايعا جەتىڭىز. ءسىزدىڭ ۇسىنىسىڭىز بارلىعىنا ءتيىمدى بولادى دەپ ءتۇسىندىرىڭىز. بۇل ولاردىڭ جۇمىستى ودان ءارى جاقسارتۋعا، جاقسى ناتيجەگە الىپ كەلەدى. ادامداردى باقىتتى ەتسەڭىز، ءسىز ولارعا ۇناي باستايسىز، وسىنىڭ ارقاسىندا ولار ءوز جۇمىس ساپاسىن ودان ءارى كوتەرۋگە ۇمتىلادى. باقىتتى ادامدار كوبىنەسە ۇلكەن جەتىستىكتەرگە جەتەدى.

10. ءسىز كوشباسشى رەتىندە ارىپتەستەرىڭىزدى كوشباسشى بولۋعا دايىنداعانىڭىز ءجون. بۇنى ءىزباسارىڭىزدى دايىنداپ ءجۇرمىن دەپ ويلاڭىز. ەگەردە ءسىز ءوز جۇمىسىڭىزدى دۇرىس جاساساڭىز، ناتيجەسىندە ءسىز جوعارىلايسىز. ءسىزدىڭ پوزيتسياڭىزبەن نە بولادى؟ ءسىز ءوز كومانداڭىزدى دايىنداعانىڭىز ءجون. ءسىز كەتكەندە ولار وزدەرىنە كوشباسشى بولۋى كەرەك.

El.kz