+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

قىتايدا Airshow China 2021 حالىقارالىق اۋە سالونى اشىلدى

28 قىركۇيەك 11:03
:ءبولىسۋ
قىتايدا Airshow China 2021 حالىقارالىق اۋە سالونى اشىلدى

بەيجىڭ- جۋحاي. قازاقپارات - قىتايدىڭ وڭتۇستىگىندەگى گۋاندۋن پروۆينتسياسىنىڭ جۋحاي قالاسىندا سەيسەنبى كۇنى Airshow China 2021 حالىقارالىق اۆياتسيالىق- عارىش سالونى اشىلدى، دەپ حابارلايدى «قازاقپارات» ح ا ا مەنشىكتى ءتىلشىسى.

بۇل شوۋ وتكەن جىلعا جوسپارلانعان بولاتىن، الايدا قىتايداعى ەپيدەميولوگيالىق احۋالعا بايلانىستى كەيىنگە شەگەرىلگەن. قىتايداعى ءىرى ەكسپوزيتسيا جۇزدەگەن قىتاي كومپانيالارىنىڭ، ونىڭ ىشىندە شەتەلدىك قورعانىس جانە اۆياتسيا كاسىپورىندارىنىڭ قاتىسۋىمەن جىلىنا ەكى رەت قىتايدىڭ وڭتۇستىگىندەگى جۋحاي تەڭىز بويىنداعى قالادا وتەدى. بيىل اۋە سالونى 28-قىركۇيەك پەن 3 - قازان ارالىعىندا وتپەك.

كورمەنىڭ باستى تاقىرىبى - اسكەري جانە ازاماتتىق اۋە تەحنيكاسى، عارىش تەحنيكاسى جانە جابدىقتارى، اۋە شابۋىلىنا قارسى قورعانۋ جۇيەلەرى، راديولوكاتسيالىق تەحنيكا جانە ت. ب. ۇيىمداستىرۋشىلاردىڭ ايتۋىنشا، Airshow China 2021 قىتايدىڭ عارىش تەحنيكاسى سالاسىنداعى جاڭا جەتىستىكتەرىن كورسەتەتىن تاعى ءبىر پلاتفورماعا اينالماق.

ق ح ر عارىش باعدارلاماسىنىڭ نەگىزگى ورىنداۋشىلارى كورمەدە كۇندى زوندتايتىن ءبىرىنشى قىتاي سەرىگىن، سونىمەن قاتار جاڭا باسقارىلاتىن تاسىمالداۋشى زىمىرانداردىڭ مودەلدەرىن كورسەتەدى دەپ كۇتىلەدى. جەرگىلىكتى ب ا ق- تىڭ حابارلاۋىنشا، قىتاي اەروعارىشتىق عىلىم جانە تەحنيكا كورپوراتسياسى (CASC) اۋە شوۋىندا عارىش ستانتسياسى كەشەنىنىڭ 3D- مودەلىن جانە «چانە-5» اي زوندىن ۇسىنادى. سونىمەن قاتار كورمەدە ءبىرىنشى قىتايلىق كۇن زوندى كورسەتىلىپ، قىتايدا جاسالعان اي زوندتارىنىڭ ساپارلارىن مودەلدەۋگە ارنالعان تسيفرلىق پلاتفورمانىڭ دەبيۋتى وتەدى. اۋە شوۋىندا قىتاي عارىشتىق عىلىم جانە تەحنيكا كورپوراتسياسى قىتايدىڭ عارىشتىق كەڭىستىكتى يگەرۋدەگى سوڭعى جەتىستىكتەرى تۋرالى ايتىلادى.

ولاردىڭ قاتارىنا «تيانۆەن-1» مارستىق زوندى، «چانە-5» اي زوندى جانە «بەيدوۋ-3» جاھاندىق ناۆيگاتسيالىق سەرىكتىك جۇيەسىن جەتىلدىرۋ كىرەدى. Airshow China حالىقارالىق اۆياتسيالىق- عارىش سالونى قىتايدا 1996 -جىلدان باستاپ ۇيىمداستىرىلىپ كەلەدى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات