USD 434.34 EUR 491.93
RUB 5.56 CNY 68.67
جاڭالىقتار

باياعى 90-جىلدارداعىداي: ەلوردالىق دەپۋتاتتار تاكسي قىزمەتىن سىنعا الدى

3 جەلتوقسان 09:10
:ءبولىسۋ
باياعى 90-جىلدارداعىداي: ەلوردالىق دەپۋتاتتار تاكسي قىزمەتىن سىنعا الدى

نۇر-سۇلتان. قازاقپارات - قالالىق ءماسليحات دەپۋتاتتارى ەلورداداعى تاكسي قىزمەتىنىڭ ساپاسى سىن كوتەرمەيتىنىن العا تارتتى، دەپ حابارلايدى قازاقپارات ءتىلشىسى.

«تاكسي - ءوزىمىز عانا ەمەس، ەلورداعا شەتەلدەن كەلەتىن قوناقتار دا قولداناتىن كولىك ءتۇرى. بۇگىندە جاعدايى وتە ناشار. ءبىز باسقا ەلدەرگە بارعاندا تاكسي قىزمەتىنىڭ قالاي جۇمىس ىستەيتىنىن كورىپ ءجۇرمىز. بىزدەگى تاسىمالداۋشىلاردىڭ ءوزى تولىق رەسمي ەمەس. اۋەجايدان شىققاندا تاكسومەتر قىزمەتى جوق. باياعى 90-جىلدارداعىداي «تاكسي، تاكسي» دەپ بىرەۋلەر ايقايلاپ تۇرادى. بۇل - ەلوردانىڭ دەڭگەيى ەمەس»، - دەدى قالالىق ءماسليحات دەپۋتاتى ۆلاديسلاۆ سەرگەيەۆ.

سونداي-اق، حالىق قالاۋلىلارى ەلوردادا تاكسي قىزمەتىنە باقىلاۋ جوقتىعىن العا تارتتى.

«تاكسي بويىنشا پروبلەما بار. جانە پروبلەما استانانىڭ اجارىن اشىپ تۇرعان جوق. شەتەلدەن كەلگەن قوناقتار بۇل ماسەلەگە ءجيى تاپ بولىپ ءجۇر. كەيدە ءتىپتى كەڭەس زامانى وزگەرمەگەن سەكىلدى. ارينە، تاكسيلەتىپ كۇن كورىپ جۇرگەن ازاماتتاردى دا ويلاۋ كەرەك. سوندىقتان ماسەلەنى جۇيەلى قاراستىرۋ كەرەك، حالىقارالىق تاجىريبەنى دە ەسكەرگەن ءجون»، - دەيدى دەپۋتات ازامات ايتعوجين.

ودان بولەك، دەپۋتاتتار تاكسي قىزمەتىن دامىتۋدىڭ تۇجىرىمداماسىن ءتۇزۋ كەرەكتىگىن ايتىپ ءوتتى. اتالعان ماسەلەگە قاتىستى نۇر-سۇلتان قالاسى كولىك جانە جول- كولىك ينفراقۇرىلىمىن دامىتۋ باسقارماسى باسشىسىنىڭ ورىنباسارى ەرجان ديحانبايەۆ پىكىر ءبىلدىردى.

«قازىر ءبىز رەسمي تاكسي قىزمەتىنە ارنايى كيىم ساتىپ الۋعا، تاكسومەتر جانە ءاربىر اۆتوموبيلدە بولۋى ءتيىس باسقا دا قاجەتتى زاتتاردى ورناتۋعا ۋاقىت بەردىك. بۇل جۇمىس ءجۇرىپ جاتىر. سونداي-اق، ءبىز قالالىق ينۆەستيسيالار جانە دامۋ باسقارماسىنان تاكسي كومپانيالارىن مەملەكەتتىك- جەكەمەنشىك ارىپتەستىك بويىنشا قارجىلاندىرۋدى قولعا العىمىز كەلىپ وتىر. ءوز قاراماعىمىزعا الساق، قالاداعى تاكسي قىزمەتىنىڭ جاقسىرۋىنا وڭ اسەر ەتەمىز دەپ ۇمىتتەنەمىن»، - دەپ ءتۇسىندىردى ەرجان ديحانبايەۆ.

جانە باسقارما وكىلى كەلەسى جىلدىڭ ورتاسىنا دەيىن اتقارىلعان جۇمىس بويىنشا ەسەپ بەرۋگە ۋادە بەردى.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات