كوروناۆيرۋستان كوز جۇمعانداردىڭ 90 پايىزى ەگدە جاستاعىلار - دارىگەر

بۇل تۋرالى ورتالىق كوممۋنيكاتسيالار قىزمەتى الاڭىندا وتكەن ونلاين بريفينگتە پروفەسسور، ق ر د س م-نىڭ شتاتتان تىس ينفەكسيونيست-دارىگەرى باقىت كوشەروۆا ايتتى، دەپ حابارلايدى قازاقپارات ءتىلشىسى.

«ءبىز ءبىر جىلدان استام ۋاقىتتان بەرى COVID-19 پاندەمياسى جاعدايىندا ءومىر ءسۇرىپ كەلەمىز. كوروناۆيرۋس ينفەكسياسىن پروفيلاكتيكالاۋ بويىنشا جۇرگىزىلىپ جاتقان بارلىق شارالار ءتيىستى ناتيجەگە ءالى دە جەتكىزە قويعان جوق. ينفەكسيالىق اۋرۋلارمەن كۇرەستە ەڭ ءتيىمدى جانە عىلىمي تۇرعىدا نەگىزدەلگەن ادىستەردىڭ ءبىرى - ۆاكسيناتسيا. ءدال وسى ۆاكسيناتسيانىڭ ارقاسىندا ادامنىڭ يممۋنيتەتى تۇزىلەدى دە جۇقپالى اۋرۋلارعا قارسى تۇرا الاتىنداي قاۋقارلى بولادى، - دەدى باقىت كوشەروۆا . حالىقارالىق ساراپشىلاردىڭ باعالاۋىنشا، ۆاكسيناتسيا جىل سايىن 2-3 ميلليون ءولىم-ءجىتىم جاعدايىنىڭ الدىن الۋعا سەپتەسەدى ەكەن.

«قاراعاندىداعى مەديتسينالىق ۋنيۆەرسيتەت قازاقستان اۋماعىندا بولعان ءولىم- ءجىتىم جاعدايلارىنا قاتىستى زەرتتەۋ جۇرگىزگەن. زەرتتەۋگە سايكەس، قايتىس بولعانداردىڭ %90 ى 60 جاستان اسقاندار جانە COVID-19 دان كوز جۇمعانداردىڭ بويىنداعى قوسىمشا اۋرۋلارى كورسەتكىشىنە سايكەس، ولاردىڭ ءبىرقاتارىندا ارتەريالىق گيپەرتەنزيا دەرتى بولعان (%66). شامامەن، %50 ى ارتىق سالماقتان زارداپ شەككەن، ال جۇرەكتىڭ يشەميالىق اۋرۋى مەن قانت ديابەتى %40 دى قۇراعان. جالپى العاندا، كوز جۇمعاندارىڭ %60 دا ەكى نەمەسە ودان دا كوپ قوسىمشا دەرتى بولعان، - دەدى ول.

سپيكەردىڭ ايتۋىنشا، كوروناۆيرۋس ينفەكسياسىمەن اۋىرعاندار اراسىنداعى ەڭ ءالسىز توپ - ەگدە جاستاعى ازاماتتار. سوندىقتان، ولار مىندەتتى تۇردە ەكپە سالدىرۋى قاجەت. بۇل جالپى الەمدىك گۋمانيتارلىق تاجىريبە.