الماتى مەتروپوليتەنى 8 پويىزبەن تولىقتى

None
None
الماتى. قازاقپارات - الماتى مەتروپوليتەنىنىڭ 10 جىلدىعى قارساڭىندا 8 جاڭا ەلەكتر پويىزى پايدالانۋعا بەرىلدى.

ەندى مەتروپوليتەندە 15 پويىز تۇرعىندارعا قىزمەت كورسەتەدى.

بۇل تۋرالى اتالعان مەكەمەنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

تاۋەلسىزدىكتىڭ 30 جىلدىعىندا تۇڭعىش پرەزيدەنت كۇنى قارساڭىندا جانە الماتى مەتروپوليتەنىنىڭ 10 جىلدىعىنا وراي الماتى مەتروپوليتەنى ءۇشىن ارنايى ازىرلەنگەن وڭتۇستىك كورەيانىڭ Hyundai Rotem كومپانياسى شىعارعان 8 جاڭا ەلەكتر جىلجىمالى قۇرام پايدالانۋعا بەرىلەدى.

«قۇرامنىڭ ۇزىندىعى - 77,8 م، ەڭ جوعارى تەحنيكالىق جىلدامدىق - 90 كيلومەتر ساعات، تەمپەراتۋرا رەجيمى: 35-، 40+ گرادۋس. 4 ۆاگون قۇرامىنداعى جولاۋشىلاردىڭ سىيىمدىلىعى 940 ادام. ءاربىر ۆاگون جىلىتۋ، جەلدەتۋ جانە اۋا باپتاۋ جۇيەسىمەن، جولاۋشىلار سالونىنىڭ فليۋرەستسەنت جارىق شامدارىمەن جابدىقتالعان»، - دەلىنگەن حابارلامادا.

ۆاگوندارعا ىشكى جانە سىرتقى بەينەباقىلاۋ جۇيەسى ورناتىلعان. ماشينيست كابيناسىنان ۆاگونداردىڭ ىشىندەگى جانە سىرتىنداعى جاعدايدى مونيتوردا باقىلاي الادى. بارلىق ۆاگون جولاۋشىلارعا بىرەۋىنەن ەكىنشىسىنە قاۋىپسىز جانە ىڭعايلى ءوتۋدى قامتاماسىز ەتەتىن اشىق تيپتەگى (ارالىق ەسىكسىز) كەڭ ۆاگونارالىق ءوتۋ جولدارى ارقىلى بىرىكتىرىلگەن.

«ەلەكتر پويىزدارى جولاۋشىلار ءۇشىن دە، قىزمەت كورسەتۋشى پەرسونال ءۇشىن دە جوعارى قاۋىپسىزدىك پەن جايلى جاعدايدى، سونداي-اق ەنەرگيا تۇتىنۋدىڭ تومەندەتىلگەن دەڭگەيىن قامتاماسىز ەتەدى. ۆاگوندار 30 جىل قايتا جابدىقتاۋسىز، جوندەۋسىز قالىپتى پايدالانۋعا ارنالىپ جوبالانعان جانە قۇراستىرىلعان»، - دەلىنگەن حابارلامادا.

ايتا كەتەيىك، وسىدان ون جىل بۇرىن، 2011-جىلدىڭ 1- جەلتوقساندا نۇرسۇلتان نازاربايەۆ قازاقستانداعى العاشقى جانە جالعىز مەتروپوليتەندى اشىپ، العاشقى جولاۋشى بولدى. سودان بەرى مەترو جۇمىسى ءبىر مينۋتقا دا توقتاعان جوق.

سوڭعى جاڭالىقتار