الاكول جاعاسىندا 8 جاڭا دەمالىس ءۇيى اشىلادى
ش ق و تۋريزم جانە سىرتقى بايلانىستار باسقارماسى باسشىسىنىڭ ورىنباسارى ينارا بودۋكوۆانىڭ ايتۋىنشا، كول بويىندا جاڭا قۇرىلىس اۋماعى بەلگىلەنگەن. ونداعى جەر ۋچاسكەلەرى كاسىپكەرلەرگە «الاكول جاعاسىندا 4 جۇلدىزدى قوناق ءۇي قۇرىلىسىنىڭ ەڭ ۇزدىك جوباسى» كونكۋرسى ارقىلى بەرىلەدى. سونىمەن قاتار «بيزنەستىڭ جول كارتاسى-2020» باعدارلاماسى شەڭبەرىندە دەمالىس ورنىندا سۋ جانە ەلەكتر جەلىلەرىن تارتۋ جۇمىستارى باستالدى. دەمالۋشىلارعا ىڭعايلى بولۋ ءۇشىن بيىل مەديتسينا جانە پوليتسيا بەكەتىنىڭ قۇرىلىسى جۇرگىزىلمەك. قازىرگى ۋاقىتتا بۇعان بارلىق قاجەتتى قۇجاتتار ازىرلەنىپ، جەر ۋچاسكەسى بولىنگەن.
ەستەرىڭىزگە سالا كەتسەك، ءۇرجار اۋدانىنداعى الاكول ايماعى 13 - ماۋسىمنان باستاپ دەمالۋشىلاردى قابىلدايدى. الاكولدە دەمالۋشىلاردان كوروناۆيرۋس جۇقتىرماعاندىعى تۋرالى انىقتاما تالاپ ەتىلەدى.