20:48, 03 - ماۋسىم 2020 | GMT +6
يراندا 8 مىڭنان استام ادام كوروناۆيرۋستان كوز جۇمدى
تەگەران. يرنا- قازاقپارات - يراندا جاڭا ءتيپتى كوروناۆيرۋستان قايتىس بولعاندار سانى 8012 ادامعا جەتتى، دەپ حابارلايدى قازاقپارات يرنا اگەنتتىگىنە سىلتەمە جاساپ.
ەلدە 160 مىڭ 396 ىندەت جۇقتىرۋ وقيعاسى تىركەلىپ، 125 206 ناۋقاس ەمدەلىپ شىقتى. بۇل تۋرالى بۇگىن يسلام رەسپۋبليكاسىنىڭ دەنساۋلىق ساقتاۋ مينيسترلىگىنىڭ وكىلى كيانۋش دجاحانپۋر حابارلادى.
«سوڭعى تاۋلىكتە 3134 كوروناۆيرۋس جۇقتىرۋ وقيعاسى تىركەلدى. جالپى ىندەت جۇقتىرعاندار سانى 160396 ادام بولدى» دەدى دجاحانپۋر باسپا ءسوز كونفەرەنتسياسىندا.
ول سوڭعى تاۋلىكتە 81 ادامنىڭ قايتىس بولعانىن جانە ۆيرۋس جۇقتىرعان 2557 ناۋقاستىڭ جاعدايى اۋىر ەكەنىن اتاپ ءوتتى.