تابىستى ادامداردىڭ 8 ادەتى

None
None
نۇر-سۇلتان. قازاقپارات - «وزىڭە سەن، ءوزىڭدى الىپ شىعار، ەڭبەگىڭ مەن اقىلىڭ ەكى جاقتاپ». (س) اباي

وزىڭىزدەن سۇراپ كورىڭىز: «ادامدار بايۋ ارقىلى اقىلعا قول جەتكىزە ما، نەمەسە اقىل ارقىلى بايلىققا يە بولادى ما؟»، - دەپ. ارينە، كوپشىلىك جاعدايدا، الدىمەن اقىلدى قولدانۋ ارقىلى، مولشىلىققا قول جەتكىزىلەدى. سوندىقتان، جەتىستىككە جەتكەن ادامداردىڭ سىزدەرمەن بولىسەتىن 8 ادەتىن ءوز ومىرىڭىزگە ەندىرۋگە تىرىسىڭىز.

ولاردان ءوز ارمانىنا، جۇمىسىنا جەتەلەيتىن كۇشتارلىقتى، ءوزىن باعالاۋدى ۇيرەنىپ، ىسكە كىرىسىڭىز. ەگەر، بايىعىڭىز كەلسە، اعىممەن قالقىپ جۇرەتىن ادام ەمەس، تۇپكىلىكتى ناتيجەنىڭ ادامى بولىڭىز.

تابيعاتى جەڭىمپاز

ولار ءۇشىن ساتسىزدىك دەگەن بولمايدى. سۇرىنگەن ءساتتى - ساتتىلىككە وتكىزەتىن كوپىر دەپ سانايدى. جاعدايدى دەر كەزىندە باعالاپ، تاجىريبە جيناقتايدى. ۋاقىت وتە تەك كۇشەيە تۇسەدى.

ءوزىن وتە جوعارى باعالايدى

ومىرلىك ۇستانعان ۇراندارى- «مەن بۇدان دا ارتىقپىن، مەن ءوزىمدى-ءوزىم سۇيەمىن، مۇمكىنشىلىگىم كەرەمەت!»

ادامدارعا سەنەدى

سەبەبى، ءوزىنىڭ ويىن باسكالاردىڭ كومەگى ارقىلى ىسكە اسىرادى. تاۋەكەلگە ءجيى بارادى جانە ونىسى اقتالادى. ول تەك اقشانى عانا ەمەس، بولاشاق ءىستىڭ بارىسىن الدىن- الا بولجاي الادى.

نە ىستەۋ كەرەك ەكەنىن انىق بىلەدى

ول ءوزىنىڭ ماقساتقا بارار جولىن تىڭعىلىقتى جوسپارلايدى. ءوز مۇمكىنشىلىگىنە سەنىمدى بولىپ، بارلىق ۋاقىتىن وسى ويىن ىسكە اسىرۋعا جۇمسايدى.

باسقالارمەن ءتىل تابىسا بىلەدى

ءار ءسوزىن قورشاعان ورتاعا، ناقتى جاعدايعا بايلانىستى ويلانىپ بارىپ سويلەيدى.

ءومىر اعىمىنان قالماۋعا تىرىسادى

ءوزىنىڭ ءىسى مەن كاسىبىندەگى عانا ەمەس، ەلدەگى، الەمدەگى بولىپ جاتكان وزگەرىستەردى ءجىتى باقىلاپ وتىرادى.

مۇمكىنشىلىكتەردى كورە بىلەدى

ول قانداي جۇمىستى بولماسىن ساپالى ىستەپ، ءارى جاۋاپكەرشىلىكپەن قارايدى. وسىنى وزىنە ادەت قىلىپ قالىپتاستىرادى. ۇنەمى كوتەرىڭكى كوڭىل- كۇيدە جۇرەدى.

ەرتە جاتىپ، ەرتە تۇرادى

جەتىستىككە جەتكەن ادامداردىڭ باسىم بولىگىنە ءتان ورتاق ادەت: ولار تەلەديداردى وتە سيرەك كورەدى جانە ۇيىقتاۋعا ەرتە جاتادى. ەسەسىنە تاڭەرتەڭ ەرتە تۇرىپ، تاڭ بوزىنان جۇمىسقا كىرىسىپ كەتەدى. ولار باسقالار شىرت ۇيقىدا جاتقاندا، الداعى كۇننىڭ جۇمىسىن جوسپارلاپ قويادى. بۇل ادەتتەر - ولاردىڭ ۇنەمى تابىستى بولۋىنا ءوز سەپتىگىن تيگىزەدى.

سوڭعى جاڭالىقتار