ەلوردادا ارزانداتىلعان باعامەن 8 مىڭنان استام پاتەر ساتىلادى

ونلاين- جينالىستا الدىن الا جوبالاۋدىڭ دايىندىعى، جەكە جوبالاۋدى جوسپارلاۋ، ينجەنەرلىك جەلىلەر مەن جۇيەلەردىڭ ورناتىلۋى جانە ت. ب. ماسەلەلەر تالقىلاندى. مەملەكەت باسشىسى قاسىم- جومارت توقايەۆتىڭ تاپسىرماسىمەن بيىل قۇرىلىس كولەمى ارتادى. 2020 -جىلى نۇر- سۇلتان قالاسىندا جەڭىلدەتىلگەن باعامەن ساتىلاتىن 8 مىڭنان استام پاتەر سالىنادى (2019 -جىلى 2900 پاتەر پايدالانۋعا بەرىلدى).

جالپى، بيىل تۇرعىن ءۇيدىڭ جالپى كولەمى شامامەن 3 ميلليون شارشى مەترگە جەتتى. جىل باسىنان بەرى ەلوردادا 637 مىڭ شارشى مەتر پايدالانۋعا بەرىلدى.

«ءبىز بىرلەسە الدىمىزعا ورتاق مىندەت قويىپ، جۇمىس جاساۋدامىز. ول - ازاماتتارىمىز ءۇشىن ءۇي سالۋ. بيىل مەملەكەت باسشىسىنىڭ تاپسىرماسى بويىنشا، قۇرىلىس كولەمىن ارتتىرامىز، جەڭىلدەتىلگەن باعامەن بەرىلەتىن 8 مىڭنان استام پاتەر سالامىز. مىسالى، وتكەن جىلى 2900 الەۋمەتتىك پاتەر سالىندى. الەۋمەتتىك تۇرعىن ءۇي كەزەكتە تۇرعان ازاماتتارعا ارنالعان. ياعني، بۇل از قامتىلعان ازاماتتار ساناتى، «تۇرعىن ءۇي قۇرىلىس جيناق بانكىنىڭ» كەزەكتە تۇرعان سالىمشىلارى. ءبىز باسپاناعا كەزەكتى مەيلىنشە جىلدامداتۋعا تىرىسامىز. ءوز تاراپىمىزدان سىزدەردى قولداۋعا ءازىرمىز. بيۋروكراتيا بولماۋى كەرەك، قاجەت بولعان جاعدايدا ءار قۇرىلىس كومپانياسىمەن جەكە جۇمىس ىستەيمىز. سونداي- اق بيىل كەلەسى جىلعا دا جوسپار دايىنداۋ قاجەت»، - دەدى ەلوردا اكىمى التاي كولگىنوۆ.

التاي كولگىنوۆ جۇمىسپەن قامتۋ ورتالىعى ارقىلى جاڭا كادرلار الۋ كەرەكتىگىن دە ايتتى. «جۇمىسپەن قامتۋ جول كارتاسى» باعدارلاماسى بويىنشا 15 مىڭ جۇمىس ورنى اشىلادى. سونىمەن قاتار وبەكتىلەردە ماسكا كيۋ، قاشىقتىق ساقتاۋ، سانيتارلىق تازارتقىشتار مەن دەزينفەكسيا قۇرالدارىن ورناتۋ سياقتى قاتاڭ سانيتارلىق ەرەجەلەردى ساقتاۋ قاجەت.