22:06, 11 - جەلتوقسان 2019 | GMT +6
الماتى وبلىسىندا 8 جاسار بالانى يت تالاپ ءولتىردى
الماتى. قازاقپارات- الماتى وبلىسىندا 8 جاسار بالانى نەمىس وۆچاركاسى تالاپ ءولتىردى، دەپ حابارلايدى قازاقپارات ءتىلشىسى.
الماتى وبلىستىق پوليتسيا دەپارتامەنتىنىڭ حابارلاۋىنشا، قايعىلى وقيعا 30 - قاراشا كۇنى ەڭبەكشىقازاق اۋدانى شەلەك اۋىلىندا بولعان.
«ءبىز بالا ءولىمى تۋرالى فاكتىنى راستايمىز. قازىر بۇل ءىستى اۋداندىق پوليتسيا ءبولىمى تەكسەرىپ جاتىر. نەمىس وۆچاركاسى سول وتباسىنىڭ وزىنە تيەسىلى. ارنايى قىزمەت ماماندارىنىڭ كومەگىمەن ءيتتىڭ كوزى جويىلدى. تەرگەۋ وبلىستىق باسقارمانىڭ باقىلاۋىندا. ءبىز ساراپتاما ناتيجەسىن كۇتەمىز، سودان كەيىن تۇپكىلىكتى پروتسەسسۋالدى شەشىم قابىلدانادى»، - دەيدى الماتى وبلىسى دپ رەسمي وكىلى سەرىك ۇپييەۆ.
فوتو:hotwireins.com
اۆتور الما مۇقانوۆا