12:40, 25 - قازان 2021 | GMT +6
ءبىر كافەدەن تاماقتانعان 85 ادام ۋلانىپ قالدى
بىشكەك. كابار- قازاقپارات - 25-قازان كۇنى تاڭعى 7:30-داعى جاعداي بويىنشا تەمىرجول اۋرۋحاناسىنىڭ جۇقپالى اۋرۋلار بولىمشەسىنە قارالعاندار سانى 85 كە جەتتى.
بۇل تۋرالى قىرعىزستاننىڭ دەنساۋلىق ساقتاۋ مينيسترلىگى مالىمدەدى، دەپ حابارلايدى قازاقپارات كابار اگەنتتىگىنە سىلتەمە جاساپ.
ۆەدومستۆونىڭ حابارلاۋىنشا، قازىرگى كەزدە ءبىر ناۋقاس ەم قابىلداپ جاتىر، ونىڭ جاعدايى تۇراقتى. قالعان قارالۋشىلار العاشقى مەديتسينالىق كومەك كورسەتىلگەننەن كەيىن امبۋلاتوريالىق ەم قابىلداۋعا جىبەرىلدى.
ەپيدەميولوگيالىق زەرتتەۋدىڭ بارىسىندا زارداپ شەككەندەردىڭ ءبىر كافەنىڭ ءتۇرلى جەرلەردە ورنالاسقان فيليالدارىنان تاماقتانعانى انىقتالدى. م س ە ق ك ماماندارى ەپيدەميولوگيالىق زەرتتەۋدى جالعاستىرىپ جاتىر.
ەسكە سالا كەتەيىك، كەشە 12 ادامنىڭ «يمپەريا پيسسى» كافەسىنىڭ ءتورت فيليالىندا تاماقتانعاننان كەيىن ۋلانعانى تۋرالى حابارلانعان ەدى.
اۆتور: ءبيبىحان سەرىكوۆا