21:34, 31 - ناۋرىز 2020 | GMT +6
نۇر- سۇلتان، الماتى، شىمكەنت ماڭىنداعى اۋىل ازاماتتارىنا 85 مىڭ تەڭگەدەن بەرىلەدى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ نۇر- سۇلتان، الماتى جانە شىمكەنت قالالارىنىڭ ماڭىندا (اۋىلداردا) ەڭبەككە جارامدى ازاماتتار 2 مينيمالدى ايلىق كولەمىندە اقشا بەرىلەتىنىن مالىمدەدى، دەپ حابارلايدى قازاقپارات ءتىلشىسى.
«قازىرگى ۋاقىتتا كارانتينگە بايلانىستى نۇر- سۇلتان، الماتى جانە شىمكەنت قالالارىنىڭ ماڭىندا ەڭبەككە جارامدى ازاماتتاردىڭ كوپتىگى بايقالادى. ەڭ الدىمەن جاستار كوپ. سوندىقتان ۇكىمەت پەن اكىمدەر ءدال وسى ايماقتاردا «جۇمىسپەن قامتۋدىڭ جول كارتاسى» شەڭبەرىندە ناقتى جوبالاردى باستاۋى كەرەك. ازاماتتاردا اقشا تابۋ مۇمكىندىگى بولۋى ءتيىس. ولار جابىلىپ قالعان شلاگباۋمدا وتىرماۋى ءتيىس» ، - دەدى مەملەكەت باسشىسى حالىققا ۇندەۋىندە.
پرەزيدەنت ەڭبەككە جارامدى ازاماتتارعا «جۇمىسپەن قامتۋدىڭ جول كارتاسى» باعدارلاماسى اياسىندا جۇمىسقا كەلگەننەن- اق 2 مينيمالدى ايلىق كولەمىندە كوتەرمە اقى بەرىلەتىنىن (85 مىڭ تەڭگە) جەتكىزدى. «بۇل ايلىققا قوسىمشا اقى رەتىندە بەرىلەدى» ، - دەدى ول.