اتىراۋدا اۋلانعان بالىقتىڭ 80 پايىزى ەكسپورتقا شىعارىلىپ جاتىر

«ءوڭىردىڭ كۇردەلى كليماتتىق جاعدايىنا قاراماستان، اۋىل شارۋاشىلىعىن دامىتۋعا ەرەكشە كوڭىل ءبولىپ كەلەمىز. بۇل سالادا 26 ميلليارد تەڭگەگە جۋىق ءونىم ءوندىرىلدى. تۇشى سۋ تاپشىلىعىنا قاراماستان، ءىرى قارا مال باسى 4، جىلقى 9,5، تۇيە 3، قوي مەن ەشكى 2 پايىزعا ارتتى. اۋىل شارۋاشىلىعى ونىمدەرىن وندىرۋشىلەردى دە قارجىلاي قولداۋ ءۇشىن جىل سايىن قاراجات بولىنۋدە. بيىل وسى ماقساتقا 3,1 ميلليارد تەڭگە قاراستىرىلدى»، - دەدى وبلىس باسشىسى ورتالىق كوممۋنيكاسيالار قىزمەتىندە بريفينگ بارىسىندا.

ونىڭ اتاپ وتۋىنشە، الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتاندىرۋ بويىنشا تۇراقتى جۇمىستار جاسالۋدا. وڭىردە 1 ميلليارد 100 ميلليون تەڭگەنىڭ ۇستىندە تاۋارلىق- قارجىلىق تۇراقتاندىرۋ قورى قالىپتاستىرىلدى. سونىڭ اياسىندا 755 ميلليون تەڭگە مولشەرىندە اينالىم قورى قۇرىلىپ، وڭىردەگى «يدەال» ءىرى ساۋدا جەلىسىمەن كەلىسىم جاسالدى. ناتيجەسىندە اتالعان جەلىنىڭ 36 ساۋدا نۇكتەسىندە الەۋمەتتىك ماڭىزى بار ازىق- تۇلىك تاۋارلارىنىڭ 14 ءتۇرى نارىقتان 10-15 پايىزعا تومەن باعامەن ساتىلۋدا.

سونىمەن قاتار، الەۋمەتتىك ماڭىزى بار ازىق- تۇلىك تاۋارلارىنىڭ باعاسىن تۇراقتى ۇستاۋ ءۇشىن كاسىپكەرلەر، تاۋار وندىرۋشىلەر سونداي- اق ءىرى ساۋدا ورىندارى اراسىندا 200-دەن استام مەموراندۋم جاسالعان. «بالىق شارۋاشىلىعىندا دا ءوسىم بار. وتكەن جىلى وسى ۋاقىتتا 6,5 مىڭ توننا بالىق اۋلانسا، بيىل 10 مىڭ 150 توننا اۋلاندى. ونىڭ 90 پايىزى وڭدەلىپ، ءونىمنىڭ %80 ەكسپورتتالدى»، - دەدى وبلىس باسشىسى.

اۆتور: مارلان جيەمباي