+7 (701) 759 90 19
+7 °С : نۇر-سۇلتان
+14 °С : الماتى
USD 430.69 EUR 518.42
RUB 5.66 CNY 66.17
جاڭالىقتار

ۇكىمەت 80 مىڭ قانداستىڭ قازاقستانعا ورالۋىنا جاردەمدەسۋدى جوسپارلاعان

3 ناۋرىز 16:46
:ءبولىسۋ
ۇكىمەت 80 مىڭ قانداستىڭ قازاقستانعا ورالۋىنا جاردەمدەسۋدى جوسپارلاعان

نۇر- سۇلتان. قازاقپارات - 2025 -جىلعا دەيىن 80 مىڭ قانداستىڭ قازاقستانعا ورالۋىنا جاردەمدەسۋ جوسپارلانعان. بۇل تۋرالى ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى اسقار ءماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

«قانداستاردى قابىلداۋدىڭ وڭىرلىك كۆوتاسى قازاقستان رەسپۋبليكاسىنىڭ «حالىقتىڭ كوشى- قونى تۋرالى» زاڭىنا سايكەس جۇمىسقا ورنالاستىرۋ، تۇرعىن ۇيمەن قامتاماسىز ەتۋ، مەكتەپكە دەيىنگى ءبىلىم بەرۋ ۇيىمدارىنداعى ورىندار، ورتا ءبىلىم بەرۋ ۇيىمدارىنىڭ مۇمكىندىكتەرىن جانە قولدانىستاعى زاڭناما شەڭبەرىندە مەملەكەتتىك قولداۋدىڭ باسقا دا شارالارىن ۇسىنۋدى ەسكەرە وتىرىپ، جەرگىلىكتى اتقارۋشى ورگانداردىڭ ۇسىنىستارى نەگىزىندە قالىپتاستىرىلادى»، - دەدى ول.

ۇكىمەت باسشىسىنىڭ دەرەگىنشە، 1991 -جىلدان بەرى بارلىعى 1 ميلليون 70,3 مىڭ قازاق تاريحي وتانىنا ورالدى. 2020 -جىلدىڭ قورىتىندىسى بويىنشا 13 مىڭنان استام ادام كوشىپ كەلىپ، قانداس مارتەبەسىن الدى. ونىڭ ىشىندە وڭىرلىك قابىلداۋ كۆوتاسىنا 1378 قانداس ەنگىزىلدى.

بيىل ەتنيكالىق قازاقتاردىڭ، جەرگىلىكتى اتقارۋشى ورگاندار مەن قازاقستان رەسپۋبليكاسىنىڭ شەت ەلدەردەگى مەكەمەلەرىنىڭ ۇسىنىستارى مەن وتىنىمدەرىن ەسكەرە وتىرىپ، وڭىرلىك كۆوتا 1426 قۇرادى.

«Nur Otan» پارتياسىنىڭ 2025 -جىلعا دەيىنگى «وزگەرىستەر جولى: ءاربىر ازاماتقا لايىقتى ءومىر» سايلاۋالدى باعدارلاماسىن ىسكە اسىرۋ جونىندەگى جول كارتاسىنا سايكەس 2025 -جىلعا دەيىن 80 مىڭ قانداستىڭ، ونىڭ ىشىندە 2021 -جىلى 12 مىڭ قانداستىڭ قايتا ورالۋىنا جاردەمدەسۋ جوسپارلانۋدا. وسىعان بايلانىستى، سونداي- اق شەتەلدەن كەلەتىن قانداستار سانىنىڭ ۇلعايۋىن ەسكەرە وتىرىپ (جەرگىلىكتى اتقارۋشى ورگانداردىڭ وتىنىمدەرىنىڭ نەگىزىندە)، قانداستاردى قابىلداۋ كۆوتاسى قايتا قارالاتىن بولادى»، - دەدى اسقار مامين.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات