جاڭا قاۋلى: «وميكرون» شتامى تاراعان ەلدەردەن كەلگەن جولاۋشى 7 كۇنگە وقشاۋلانادى

None
None
نۇر-سۇلتان. قازاقپارات - ق ر باس سانيتار دارىگەرى ەرلان قياسوۆتىڭ جاڭا قاۋلىسى بويىنشا 10 مەملەكەتتەن كەلگەن جولاۋشىلار 7 كۇنگە وقشاۋلانادى، دەپ حابالايدى قازاقپارات ءتىلشىسى.

«وسى قاۋلىعا قوسىمشادا كورسەتىلگەن ەلدەردەن قازاقستان رەسپۋبليكاسىنا كەلگەن جانە سوڭعى 14 كۇن ىشىندە بارىپ كەلگەن ادامدار 7 كۇنگە ۇيدە وقشاۋلانسىن (ءۇي كارانتينى). ءۇي كارانتينىنە وقشاۋلاۋ پ ت ر ادىسىمەن covid-19 عا تەستىلەۋدىڭ تەرىس ناتيجەسى بار انىقتامانىڭ جانە covid-19 عا قارسى ۆاكسيناتسيالاۋدىڭ بار-جوعىنا قاراماستان جۇرگىزىلەدى»، - دەپ جازىلعان قاۋلىدا.

اتالمىش قوسىمشاداعى تىزىمدە يزرايل، چەحيا، نيدەرلاند، ۇلى بريتانيا، يتاليا، گەرمانيا، اۋستراليا، كانادا، بەلگيا جانە ەگيپەت مەملەكەتتەرى كورسەتىلگەن. سونداي-اق، قۇجاتتا قازاقستان رەسپۋبليكاسىنا شەتەلدەن اۆيارەيستەرمەن كەلەتىن ۇكىمەتتىك دەلەگاتسيالار مەن اۆياكومپانيا ەكيپاجدارىنان باسقا ادامداردىڭ ءبارى تەرمومەتريادان، ساۋالنامادان وتەتىنى ايتىلعان.

قاۋلى 3 - جەلتوقساندا ساعات 00 : 00 دەن باستاپ كۇشىنە ەنەدى.

سوڭعى جاڭالىقتار