USD 436.29 EUR 492.83
RUB 5.92 CNY 68.48
جاڭالىقتار

ەلىمىزدە 7 وبلىس اۋماعىندا اۋا رايىنا بايلانىستى ەسكەرتۋ جاريالاندى

22 قازان 20:14
:ءبولىسۋ
ەلىمىزدە 7 وبلىس اۋماعىندا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - ەلىمىزدىڭ 7 وبلىسىنىڭ اۋماعىندا اۋا رايىنىڭ قۇبىلۋىنا بايلانىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

23-25- قازاندا جامبىل وبلىسىنىڭ تاۋلى اۋداندارىندا تۇمان تۇسەدى، ەرتەڭ كوكتايعاق بولۋى مۇمكىن.

24-25- قازاندا باتىستان سوعاتىن جەل سولتۇستىك-شىعىسقا اۋىسادى، وبلىستىڭ وڭتۇستىك-باتىسىندا، سولتۇستىك-شىعىسىندا جانە تاۋلى اۋداندارىندا كۇشى 15-20 م/س جەتەدى، 24- قازاندا ەكپىنى 25 م/س بولادى.

23- قازاندا تۇندە قاراعاندى وبلىسىنىڭ باتىسىندا، كۇندىز سولتۇستىگىندە، شىعىسىندا كوكتايعاق بولادى، جاياۋ بۇرقاسىن سوعادى.

وڭتۇستىك-باتىستان جەل سوعادى، وبلىستىڭ باتىسىندا، سولتۇستىگىندە، ورتالىعىندا كۇشى 15-20، ەكپىنى 23 م/س جەتۋى مۇمكىن.

ەرتەڭ تاڭەرتەڭ جانە كۇندىز قاراعاندى قالاسىندا كوكتايعاق بولادى، جاياۋ بۇرقاسىن سوعۋى مۇمكىن. وڭتۇستىك-باتىستان جەل سوعادى، ەكپىنى 18 م/س جەتەدى.

ەرتەڭ تۇندە جەزقازعاندا جاياۋ بۇرقاسىن سوعۋى مۇمكىن. وڭتۇستىك-باتىستان جەل سوعادى، كۇندىز ەكپىنى 18 م/س كۇتىلەدى.

23- قازاندا تۇندە قىزىلوردا وبلىسىنىڭ سولتۇستىگىندە تۇمان ءتۇسۋى مۇمكىن.

23- قازاندا اقمولا وبلىسىندا وڭتۇستىك-باتىستان جەل سوعادى، كۇشى 15-20 م/س جەتەدى، وبلىستىڭ سولتۇستىگىندە، شىعىسىندا كۇشى 23-28 م/س، ەكپىنى 30 م/س بولادى، ءتىپتى ودان كۇشەيۋى مۇمكىن.

تۇندە وبلىستىڭ سولتۇستىگىندە، شىعىسىندا جاياۋ بۇرقاسىن سوعىپ، كوكتايعاق بولۋى مۇمكىن.

ەرتەڭ كوكشەتاۋدا وڭتۇستىك-باتىستان جەل سوعادى، كۇندىز ەكپىنى 15-20 م/س جەتەدى.

23- قازاندا باتىس قازاقستان وبلىسىندا جەل وڭتۇستىك-باتىستان، وڭتۇستىكتەن سوعادى، كۇندىز وبلىستىڭ شىعىسىندا جەلدىڭ ەكپىنى 15-20 م/س كۇشەيەدى.

23- قازاندا تۇندە جانە تاڭەرتەڭ الماتى وبلىسىنىڭ وڭتۇستىگىندە جانە شىعىسىندا تۇمان ءتۇسۋى ىقتيمال.

23- قازاندا اقتوبە وبلىسىندا وڭتۇستىك-باتىستان جەل سوعادى، وبلىستىڭ شىعىسىندا ەكپىنى 15-20 م/س جەتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات