جىل باسىنان بەرى 7 مىڭعا جۋىق ادام «قانداس» مارتەبەسىن الدى

«جالپى 1991 -جىلدان بەرى رەسپۋبليكاعا 1 ميلليون 77,3 مىڭ ەتنيكالىق قازاق ورالدى. قازاقستانعا كەلگەن قانداستاردىڭ جارتىسىنان كوبى، ياعني % 76,3 - وزبەكستاننان كەلسە، % 10,4 - قىتايدان، % 6,2 - تۇرىكمەنستاننان، % 2,7 - موڭعوليادان، % 1,2 - قىرعىزستان، % 0,5 - يران، % 0,3 - اۋعانستان جانە قالعان % 2,5 باسقا ەلدەردەن قونىس اۋدارعان»، - دەلىنگەن «وتانداستار» قورىنىڭ حابارلاماسىندا.

ەلگە كەلگەن ەتنيكالىق قازاقتار نەگىزىنەن الماتى، تۇركىستان، ماڭعىستاۋ جانە جامبىل وبلىستارىنا، سونداي- اق شىمكەنت قالاسىنا قونىستانعان.

«2019 -جىلى 17661 ەتنيكالىق قازاق نەمەسە 9993 وتباسى تاريحي وتانىنا ورالدى جانە قانداس مارتەبەسىنە يە بولدى. ەلىمىزدە جىل سايىنعى قانداستاردى قابىلداۋ كۆوتاسى توقتاعان جوق. 2019 -جىلى ق ر ۇكىمەتىنىڭ قاۋلىسىمەن قانداستاردى قابىلداۋدىڭ وڭىرلىك كۆوتاسى 2031 ادام بولدى. 2020 -جىلى 13 مىڭنان استام ەتنيكالىق قازاق «قانداس» مارتەبەسىن الدى. وتكەن جىلى قازاقستانعا كەلگەن قانداستاردىڭ جارتىسىنان كوبى (%53,1) – ق ح ر- دان، % 31,3 - وزبەكستاننان، % 8,7 - تۇركىمەنستاننان، % 3,7 - موڭعوليادان جانە % 3,3 - باسقا ەلدەردەن كەلگەن. ولار نەگىزىنەن الماتى، ماڭعىستاۋ جانە تۇركىستان وبلىستارىندا، سونداي- اق نۇر- سۇلتان جانە شىمكەنت قالالارىندا قونىستاندى. 2020 -جىلدىڭ قورىتىندىسى بويىنشا ەڭبەككە قابىلەتتى جاستاعى قونىس اۋدارۋشىلار سانى % 57,1، ەڭبەككە قابىلەتتى جاستان كىشى % 31,9- دى جانە زەينەتكەرلەر % 11- دى قۇرايدى»، - دەيدى قور.

2021 -جىلعى 1 - ماۋسىمداعى مالىمەت بويىنشا، ەلىمىزدە 6935 ادام «قانداس» مارتەبەسىنە يە بولدى. ولاردىڭ ىشىندە 404 قانداس قازاقستان ازاماتتىعىن الدى.

«2021 -جىلعا ارنالعان قانداستاردى قابىلداۋدىڭ وڭىرلىك كۆوتاسى 1426 ادامعا جوسپارلانعان: اقمولا وبلىسى - 258 ادام، قوستاناي وبلىسى - 350 ادام، شىعىس قازاقستان وبلىسى - 195 ادام، سولتۇستىك قازاقستان وبلىسى - 123 ادام، پاۆلودار وبلىسى - 500 ادام»، - دەيدى «وتانداستار» قورى.

اۆتور: ايجان سەرىكجان قىزى