20:02, 24 - قاراشا 2020 | GMT +6
قار، تۇمان، كوكتايعاق: سينوپتيكتەر 7 وڭىردە ەسكەرتۋ جاريالادى
نۇر- سۇلتان. قازاقپارات - «قازگيدرومەت» ر م ك 25 -قاراشا كۇنى اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى قازاقپارات.
اتاپ ايتقاندا، كۇندىز ماڭعىستاۋ وبلىسىنىڭ كەي جەرلەرىندە قاتتى جاۋىن- شاشىن (جاڭبىر، قار) كۇتىلەدى. كەي جەرلەردە كوكتايعاق بولادى. كۇندىز اتىراۋ وبلىسىنىڭ كەي جەرلەرىندە قاتتى قار جاۋادى، تۇمان، كوكتايعاق بولجانادى.
باتىس قازاقستان وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى. كۇندىز كەي جەرلەردە قاتتى جاۋىن- شاشىن (قار، جاڭبىر) بولادى.
جەل وڭتۇستىك- شىعىستان سوعادى، كۇشى كەي جەرلەردە كۇشى 15-20 م/س ارتادى. قوستاناي، اقمولا، سولتۇستىك قازاقستان جانە تۇركىستان وبلىستارىنىڭ كەي جەرلەرىندە تۇمان كۇتىلەدى.